ხორვატთა მსგავსად, საკადრო პრობლემებმა საქართველოს ნაკრებიც შეაწუხა, მაგრამ სლავენ ბილიჩი მაინც უფრო მეტ ფეხბურთელს მოისაკლისებს. ხორვატიის ნაკრების დანაკლისის შესახებ სისტემატურად ვწერთ და აღარ ჩამოვთვლით იმ ფეხბურთელებს, რომლებიც სპლიტში თემურ ქეცბაიას გუნდის წინააღმდეგ ვერ ითამაშებენ. მხოლოდ გუშინ გავრცელებულ ინფორმაციას მოგაწვდით - საეჭვოა სპლიტურ მატჩში ივან კლასნიჩის მონაწილეობაც. შეგახსენებთ, კლასნიჩი ბილიჩმა მლადენ პეტრიჩის ნაცვლად გამოიძახა. კლასნიჩს, რომელსაც ხორვატიის ნაკრებში 39 შეხვედრა ჩაუტარებია და 12 გოლი გაუტანია, მუხლი აწუხებს და სრული დატვირთვით ვერ ვარჯიშობს.
საკადრო პრობლემების მიუხედავად, ხორვატიის ნაკრების მწვრთნელებიცა და ფეხბურთელებიც კვლავაც
