უეფამ ხორვატიის ფეხბურთის კავშირი, ევრო-2012-ის შესარჩევ ციკლში საქართველოსთან მატჩის დროს, გულშემატკივართა მიერ ტრიბუნებზე გამოფენილი ფაშისტური სიმბოლიკისთვის 80 ათასი ევროთი დააჯარიმა. შეგახსენებთ, რომ 3 ივნისს სპლიტში გამართული მატჩის დროს ხორვატი ფანები ნაციონალისტურ ლოზუნგებს სკანდირებედნენ და სვასტიკიან დროშებსა და სხვა ნაცისტურ სიმბოლოებს წარმოაჩენდნენ.
უეფას სასჯელი მსუბუქად შეიძლება მივიჩნიოთ. აღნიშნული მატჩის შემდეგ, რომელიც თემურ ქეცბაიას გუნდმა 1:2 დათმო, ხორვატიის საფეხბურთო ფუნქციონერები შიშობდნენ, რომ უეფა მხოლოდ ფულადი ჯარიმით არ შემოიფარგლებოდა და ნაკრებს მომდევნო შეხვედრის საკუთარ კედლებში გამართვას ცარიელი ტრიბუნების თანხლებით დაავალებდა.
