ფიფა/კოკა-კოლამ ეროვნული გუნდების მორიგი, ივნისის რეიტინგი გამოაქვეყნა. საქართველოს ნაკრები მაისის თვის ანალოგიური რეიტინგისგან განსხვავებით, ერთი საფეხურით დაწინაურდა და ახლა მსოფლიოში 56-ე ადგილს იკავებს.ევროპულ რეიტინგში ჩვენი ნაკრები 30-ეა და შესაბამისად, მსოფლიოს 2014 წლის ჩემპიონატის შესარჩევი ციკლის კენჭისყრისას, რომელიც 30 ივლისს რიო-დე-ჟანეიროში გაიმართება, ევროპის ზონის მეოთხე კალათაში იქნება.
წინა თვესთან შედარებით მნიშვნელოვანი ცვლილებები მოხდა მსოფლიოს რჩეულ ნაკრებთა ათეულში. მართალია პირველ-მეორე პოზიციებს კვლავაც მსოფლიოს ჩემპიონი ესპანეთი და ფინალისტი ჰოლანდია ინარჩუნებენ, მაგრამ დანარჩენ ადგილებზე გადაადგილებები მოხდა - გერმანიამ და ინგლისმა, შესაბამისად, მესამე და
განახლებული რეიტინგის ათეულში აღმოჩნდა მექსიკის ნაკრები, რომელმაც ერთ თვეში ერთბაშად 19-საფეხურიანი ნახტომი გააკეთა. სამაგიეროდ თვალშისაცემი რეგრესი ჰქონდა არგენტინის ნაკრებს, რომელმაც მეხუთედან მეათე პოზიციაზე ამოჰყო თავი.
მე-12 ადგილზე დარჩა ევრო 2012-ის შესარჩევ ციკლში საქართველოს ნაკრების კიდევ ერთი მეტოქე საბერძნეთის ნაკრები. სამი საფეხურით დაწინაურდა ისრაელის ნაკრები და ახლა 30-ეა. 82-ე ადგილზე დაეშვა ლატვია, ჩვენი ჯგუფის ბოლოადგილოსანი მალტა კი 161-ე პოზიციაზე მყარად დგას.
მომზადებულია fifa.com-ის მიხედვით
