საქართველოს ეროვნულმა ნაკრებმა 2 სექტემბერს თბილისში ლატვიელებთან და 6 სექტემბერს ლა ვალეტაში მალტელებთან გასამართი მატჩებისთვის მზადება 29 აგვისტოს დაიწყო.გუშინ, 30 აგვისტოს საღამოს კი, ნაკრებმა მიხეილ მესხის სახელობის სტადიონზე ივარჯიშა, სადაც ახლახან შეიცვალა ბალახის საფარი. ტექნიკურ ცენტრ "ბასაზე" გუნდი სრული შემადგენლობით ორშაბათს, საღამოს შეიკრიბა - ნაკრებს ბოლოს საბერძნეთის "პანიონიოსის" მცველი დავით კვირკველია შეუერთდა. პირველ დღეს მან მსუბუქად ივარჯიშა, რადგან ქეცბაიამ ნამგზავრი დაასვენა. 30 აგვისტოს კი დათო გუნდთან ერთად ჩვეულად დაიტვირთა.
ვარჯიშმა საათზე მეტხანს გასტანა და თემურ ქეცბაიამ იგი ორკარათი დაასრულა.
მეკარეები: ნუკრი რევიშვილი ("ანჟი", რუსეთი), გიორგი ლორია ("დინამო", თბილისი), როინ კვასხვაძე ("ზესტაფონი").
მცველები: კახა კალაძე ("ჯენოა", იტალია), ზურაბ ხიზანიშვილი ("ქაისერისფორი", თურქეთი), კახა ალადაშვილი ("ზესტაფონი"), გურამ კაშია ("ვიტესი", ჰოლანდია), ალექსანდრე ამისულაშვილი ("კრასნოდარი", რუსეთი), გია გრიგალავა ("ვოლგა", რუსეთი).
ნახევარმცველები: დავით თარგამაძე ("ოლექსანდრია", უკრაინა), ლევან კობიაშვილი ("ჰერტა", გერმანია), ჯაბა კანკავა ("კრივბასი", უკრაინა), დავით კვირკველია ("პანიონიოსი", საბერძნეთი), ჯანო ანანიძე ("სპარტაკი" მოსკოვი, რუსეთი), ირაკლი მაისურაძე ("მეტალურგი", რუსთავი), ალექსანდრე გურული ("კარპატი", უკრაინა), ალექსანდრე კობახიძე ("არსენალი", უკრაინა), მურთაზ დაუშვილი, შოთა გრიგალაშვილი (ორივე - "ზესტაფონი").
თავდამსხმელები: ოთარ მარცვალაძე ("კრასნოდარი", რუსეთი), ალექსანდრე იაშვილი ("კარლსრუე", გერმანია), დავით სირაძე ("სპარტაკი" ნალჩიკი, რუსეთი), ვლადიმერ დვალიშვილი ("მაქაბი" ჰაიფა, ისრაელი).
ბილეთები იაფად!
ევრო 2012-ის შესარჩევი ციკლის შეხვედრა საქართველოსა და ლატვიის ნაკრებებს შორის 2 სექტემბერს მიხეილ მესხის სახელობის სტადიონზე 21 საათზე დაიწყება.
უკვე დაიწყო მატჩის ბილეთების გაყიდვა, რომლებიც 10, 15 და 20 ლარი ეღირება.
ყოველდღიური სპორტული გაზეთი "ლელო"
