ბულგარეთის ნაკრების თავდამსხმელმა ვალერი ბოჟინოვმა ევრო-2012-ის შესარჩევ ციკლში თავისი ქვეყნის ეროვნული გუნდის წარუმატებელ გამოსვლაზე დაიჩივლა და დასძინა, ნეტავ საქართველოს დონემდე არ დავეცემოდეთო. "ის რომ მეხუთე კალათაში დაქვეითება გვემუქრება, ძალიან ცუდია, მაგრამ ეს ფაქტია და ამაში დამნაშავე ჩვენ ვართ. მაგრამ, ღმერთმა ნუ ქნას, ლიხტენშტეინის, აზერბაიჯანის ან საქართველოს დონემდე დავეცეთ. საკუთარ თავზე მეტი უნდა ვიმუშაოთ და შესარჩევი ციკლის დარჩენილ შეხვედრებში წარმატების მიღწევა უნდა შევძლოთ".
მომზადებულია sportal.bg-ის მიხედვით
