საქართველოს ნაკრების მთავარ მწვრთნელ თემურ ქეცბაიასთან ერთად, გუშინ "ბასაზე" გამართულ პრესკონფერენციაზე ჰაიფას "მაკაბის" თავდამსხმელი ლადო დვალიშვილიც გამოცხადდა და კითხვებს უპასუხა.- ნაკრები ერთი ფორვარდით თამაშობს და მეტწილად მეწყვილე არ გყავდათ. ეს დისკომფორტს ხომ არ გიქმნიდათ?
- რა თქმა უნდა, ძალიან ძნელია, როდესაც მხოლოდ ერთი თავდამსხმელი თამაშობს. თუმცა, მწვრთნელი რა დავალებასაც მომცემს, მეც იმას ვასრულებ.
- მატჩისთვის ფიზიკურად მზად ხართ?
- დიახ, თავს ნორმალურად ვგრძნობ.
- საქართველომ მოუგო ხორვატიას, მაგრამ როდესაც გადამწყვეტი მატჩების დრო დადგა და ლატვიას შევხვდით, დაგვრჩა შთაბეჭდილება, რომ
- ფეხბურთიც იმითაა საინტერესო, რომ წინასწარ ვერაფერს დაგეგმავ. ხორვატიასთან ერთი მომენტი გვქონდა და გამოვიყენეთ, ლატვიასთან კი ბევრი შანსი მოგვეცა და მაინც წავაგეთ. საერთოდ, ეს ძალიან დასანანი შეხვედრა იყო.
- ალბათ, გასულ შესარჩევ ციკლში საკუთარ თამაშს წარუმატებლად თვლით.
- სამწუხაროდ, ასეა - ციკლი ჩემთვის წარუმატებელი იყო.
ყოველდღიური სპორტული გაზეთი "ლელო"
