დღეს, 18 საათზე მიხეილ მესხის სახელობის სტადიონზე საქართველოს ეროვნული ნაკრები მოლდოვას ამხანაგურად უმასპინძლებს.გუშინ, საღამოს, თემურ ქეცბაიამ გუნდი "მიხეილ მესხზე" ავარჯიშა. მოედანზე ნაკრებში გამოძახებული 24-ივე ფეხბურთელი იყო, ყველა ჯანმრთელად არის და სრულადაც დაიტვირთნენ.
მატჩს აზერბაიჯანელ მსაჯთა ბრიგადა მოემსახურება ვუსალ ალიევის ხელმძღვანელობით. ალიევი გამოცდილი რეფერია, მეხუთე წელია, ფიფას არბიტრია.
მატჩის პირდაპირ რეპორტაჟს "საზოგადოებრივი მაუწყებელი" გადასცემს.
ფეხბურთის ფედერაციის ცნობით, მატჩზე დასწრება უფასოა.
ყოველდღიური სპორტული გაზეთი "ლელო"
