საქართველოს ეროვნულ ნაკრებში გამოძახებულ მოთამაშეთა შორის თემურ ქეცბაიამ ირაკლი ძარიაც დაასახელა. 23 წლის საყრდენი ნახევარმცველი 6 წელი "ზესტაფონში" თამაშობდა, თბილისის "დინამოში" კი წლეულს გადავიდა."ნაკრებში პირველად გამომიძახეს, რაც ჩემთვის ძალიან მოულოდნელი და უზომოდ სასიხარულო ამბავია. ყველა მოთამაშის ოცნება თავის ქვეყნის ნაკრებში თამაშია. ამ ნდობისთვის დიდი მადლობა თემურ ქეცბაიას. შევეცდები, მისი ნდობა გავამართლო", - ამბობს ძარია.
ახალგაზრდა ფეხბურთელს არ დავიწყებია მადლიერების გამოხატვაც:
"არ შეიძლება, ეს რომ არ ვთქვა: მე რომ ნაკრებში მოვხვდი, ეს ჩემი კლუბების დამსახურებაა - "ზესტაფონისა" და "დინამოსი". "ზესტაფონში"
ბოლო ტურში "დინამომ" ბოლნისის "სიონს" 90-ე წუთზე სწორედ ძარიას გატანილი ბურთის წყალობით მოუგო. თუმცა გოლი უცნაურად გავიდა და ძნელი გასარკვევი იყო, ირაკლიმ ბურთი კარში როგორ გააგზავნა.
"ორთაბრძოლისას მცველმა ხელი მკრა, ვიქცეოდი და დღემდე ვერ მივმხდარვარ, როგორ დავარტყი, ბურთი კისერზე მომხვდა თუ ზურგზე, ფაქტია, რომ კარში უცნაური ტრაექტორიით ჩაეშვა და ეს ოფიციალურ შეხვედრაში თბილისის "დინამოს" მაისურით გატანილი ჩემი პირველი გოლი იყო", - თქვა ირაკლიმ.
ყოველდღიური სპორტული გაზეთი "ლელო"
