გიორგი ფოფხაძე ავსტრიულ კლუბში, გრაცის "შტურმში" შარშან ზაფხულს "ზესტაფონიდან" გადავიდა. მაშინ ფეხბურთელი იმედოვნებდა, რომ ამ ტრანსფერის შემდეგ ეროვნულ ნაკრებში დააბრუნებდნენ.ამ ტრანსფერიდან ოთხ თვეში "ჯვაროსნების" კაპიტანმა კახა კალაძემ ნაკრებიდან წასვლაზე განცხადება გააკეთა და გიორგის, რომელიც ასევე მარცხენა მცველია, იმედი გაუძლიერდა. ის ამ დროისთვის ხომ ავსტრიელთა ძირითადი შემადგენლობის მოთამაშე გახდა. თუმცა, თემურ ქეცბაიამ 29 თებერვალს ალბანეთთან ჩატარებულ ამხანაგურ შეხვედრაში არ მიიწვია.
ამაზე ფოფხაძე ნაწყენი დარჩა, რაც "ლელოსთან" მცირე ხნის წინ მიცემულ ინტერვიუშიც განაცხადა:
"უყურადღებობა მწყინს, მაგრამ უფრო მოტივირებული ვხდები. რომ არ
როგორც ჩანს, გიორგის მოთმინება დაუფასდა: შევიტყვეთ, რომ ქეცბაია ფოფხაძით დაინტერესდა, 15 მარტს პირადად დაუკავშირდა, "შტურმის" თამაშების გრაფიკი შეიტყო და გადაწყვიტა, რომ მომავალ შაბათს, 24 მარტს ვენაში "აუსტრიასთან" მატჩში დააკვირდება.
25 წლის გიორგი ფოფხაძემ კარიერა 2004 წელს "თბილისში" დაიწყო. 2006 წლის დასაწყისში მისით საბერძნეთის "ოლიმპიაკოსი" დაინტერესდა და პირეოსელთა დუბლშემადგენლობაში თამაშობდა, მაგრამ ბერძნულ კლუბში დიდხანს აღარ გაჩერდა. 2006 წლის ზაფხულში დანიურ "ვიბორგში" ჩაირიცხდა, სადაც მალე მოიპოვა ფანების სიყვარული და მათ კლუბის საუკეთესო მოთამაშედაც დაასახელეს.
2006-2008 წლებში საქართველოს ახალგაზრდულ ნაკრებში 15 მატჩი ჩაატარა, ეროვნულ გუნდში დებიუტი კი 2006 წელს ჰქონდა და სულ მისი ფორმა 7-ჯერ მოირგო.
აღსანიშნავია, რომ გიორგის საბერძნეთის მოქალაქეობას სთავაზობდნენ და საქართველოს ნაკრებში მისი გამოძახებით ბერძნები იმედგაცრუებულები დარჩნენ.
ყოველდღიური სპორტული გაზეთი "ლელო"
