ბელორუსი-საქართველო 2:0 [ტექსტური ტრანსლაცია. VIDEO]

მსოფლიოს 2014 წლის ჩემპიონატი ფეხბურთში.შესარჩევი ციკლი. IV ტური I ჯგუფი

16.10 მინსკი. დინამოს სტადიონი. 20:00

ბბბელორუსი 2:0 საქართველო

გოლები: 1:0 ბრესანი (6), 2:0 დრაგუნი (28) (იხილეთ ვიდეო)

გაფრთხილება: თარგამაძე (35), ტიგორევი (43), პოლიაკოვი (45), ხიზანიშვილი (51), კანკავა (68), ბორდაჩევი (73), გია გრიგალავა (90), ლევან მჭედლიძე (90), ალექსანდრ გლები (90).

ბელორუსი: სერგეი ვერემკო, სტანისლავ დრაგუნი, ალექსანდრ გლები, რენან ბრესანი (ალექსანდრ ვოლოდკო, 85), ალექსანდრ პავლოვი (სერგეი კისლიაკი, 83), დენის პოლიაკოვი, იან ტიგორევი, დმიტრი ვერხოვცოვი, მაქსიმ ბორდაჩევი, ვიტალი როდიონივი (ანდრეი ჩუხლეი, 90), ეგორ ფილიპენკო,
მთავარი მწვრთნელი: გეორგი კონდრატიევი

საქართველო: ნუკრი რევიშვილი, ალექსანდრე ამისულაშვილი, გია გრიგალავა, გურამ კაშია, ზურაბ ხიზანიშვილი, ალექსანდრე კობახიძე, დავით თარგამაძე (ლევან ყენია, 75), ჯაბა კანკავა, მურთაზ დაუშვილი, თორნიკე ოქრიაშვილი (ჯანო ანანიძე, 49), დავით დევდარიანი (ლევან მჭედლიძე, 46).
მთავარი მწვრთნელი: თემურ ქეცბაია

მსაჯი: რობერტ შენგერხოფენი (ავსტრია)

---

90+2. ...და აქვე გაისმის მსაჯის საფინალო სასტვენის ხმა. საქართველოს ნაკრებმა მინსკში უშანსოდ წააგო, რითაც ჯგუფში მესამე ადგილის დაკავების შანსი, დიდი ალბათობით, დაკარგა.

90+1. ბოლო ცვლილება ბელორუსთა რიგებში - როდიონოვის ნაცვლად მოედანზე ანდრეი ჩუხლეი შემოვიდა.

90. მოედანზე მცირე გაწევ-გამოწევა იყო. მსაჯმა ყვითელი ბარათებით გია გრიგალავა, ლევან მჭედლიძე და ალექსანდრ გლები დასაჯა.

88. ქართველების შეტევა გაგრძელდა - მასპინძელთა საჯარიმოში არეულობაა, მაგრამ ჩვენთვის ხეირი ამას არ მოჰყოლია.

87. მარჯვენა ფრთიდან კუთხურს ჯანო ანანიძე ასრულებს, მაგრამ მასპინძლები იგებენ მეორე სართულზე ორთაბრძოლას.

85. მორიგი ცვლილება ბელორუსთა რიგებში - ბრესანის ნაცვლად ალექსანდრ ვოლოდკო გამოდის.

83. ცვლილება ბელორუსთა რიგებში - ალექსანდრ პავლოვის ნაცვლად მოედანზე სერგეი კისლიაკი გამოვიდა.

81. ჯანო ანანიძე საჯარიმოს ასრულებს. კაშია ბურთს ვერ უსწრებს.

79. მეტოქე ცდება და კობახიძე მარჯვენა ფრთიდან იერიშს ახორციელებს, მაგრამ მისი გადაცემა ბელორუსთა საჯარიმოში უზუსტოა. მომენტი დაიკარგა.

75. ცვლილება საქართველოს ნაკრებში - დავით თარგამაძის ნაცვლად მოედანზე ლევან ყენია გამოვიდა.

73. ბორდაჩევი ყვითელ ბარათს იღებს.

71. როდიონოვი კვლავ ერთი-ერთზე რჩება მეკარის პირისპირ და უძლიერესად ურტყამს - ძელი!

68. საქართველოს ნაკრების კაპიტანი ჯაბა კანკავა ყვითელ ბარათს იღებს.

67. გადავრჩით... როდიონოვი პირისპირ დარჩა რევიშვილთან, მაგრამ საქართველოს ნაკრების კარის დარაჯმა იყოჩაღა.

66. კობახიძე მარცხენა ფლანგიდან ბელორუსთა საჯარიმოში პასს აკეთებს, მაგრამ მსაჯი ლევან მჭედლიძეზე წესების დარღვევას აფიქსირებს.

60. მასპინძლებმა ნელ-ნელა დათმეს მოედნის ცენტრი და უკან დაიხიეს, თუმცა ქართველი ფეხბურთელების შეტევა ქაოტურია, გადაცემებს კი სიზუსტე აკლია.

55. ბურთი მეტწილად მოედნის ცენტრშია. ქართველი ფეხბურთელები ჯერჯერობით თამაშში გარდატეხის შეტანას ვერ ახერხებენ.

51. ზურაბ ხიზანიშვილი ყვითელ ბარათს იღებს.

49. ცვლილება საქართველოს ნაკრებში - თორნიკე ოქრიაშვილის ნაცვლად მოედანზე ჯანო ანანიძე გამოვიდა.

48. მოედნის სიღრმიდან იღებს ბურთს მჭედლიძე და კარისკენ გზავნის, თუმცა მსაჯი თამაშგარეს აფიქსირებს.

47. მასპინძლების ძალიან სახიფათო იერიში, ბურთი კაშიას ხვდება. გადავრჩით...

46. თემურ ქეცბაიამ დავით დევდარიანი ლევან მჭედლიძით შეცვალა.

მეორე ტაიმი დაიწყო

45+3. მსაჯმა ჩასტვინა - პირველი ტაიმი დასრულდა.

45+2. კუთხურიდან თარგამაძე პირდაპირ კარში ურტყამს, ბელორუსთა მეკარე სერგეი ვერემკო გაჭირვებით იგერიებს ბურთს.

45+1. დენის პოლიაკოვი ყვითელ ბარათს იღებს.

44. თორნიკე ოქრიაშვილმა სოლორეიდი განახორციელა, რომლის დროსაც ბელორუსთა ლამის ნახევარი გუნდი ჩამოიტოვა. თორნიკეს ბოლო დარტყმის შესრულება არ დასცალდა - ფეხებში ჩაუწვნენ.

43. მასპინძლები კვლავაც წესების დარღვევით აჩერებენ ოქრიაშვილს. მსაჯმა ტიგორევი გააფრთხილა.

39. თორნიკე ოქრიაშვილმა ბელორუსთა საჯარიმოს ხაზთან ჯარიმა მოიპოვა. თარგამაძის დარტყმა ცოცხალ კედელს ხვდება.

38. ქართველი ფეხბურთელების შეტევებს ჯერჯერობით შედეგი არ მოსდევს.

36. საქართველოს ნაკრების კართან კუთხური დაინიშნა. ბელორუსებმა მოხდენილად გაითამაშეს ბურთი, თუმცა საბოლოო დარტყმა არაზუსტად შეასრულეს.

35. დავით თარგამაძე მსაჯმა გააფრთხილა.

33. ბელორუსების სახიფათო შეტევა - გრიგალავამ გადაგვარჩინა.

32. კანკავამ მეტოქის საჯარიმოში შეძლო ბურთის ჩაწოდება, მაგრამ იქ ბელორუსებმა იყოჩაღეს.

28. მეორე გოლი საქართველოს ნაკრების კარში - კაშია დაჯარიმდა აუტის ხაზთან. ბრესანმა ბურთი კარის წინ ჩაჰკიდა, სადაც ყველას დრაგუნმა დაასწრო.

24. ისევ ჯარიმა. ისევ თარგამაძე ურტყამს, მაგრამ ისევ უშედეგოდ - ბურთს ამჯერად მეკარე ეუფლება.

23. ბელორუსებმა თავიანთი საჯარიმოს მისადგომებთან თორნიკე ოქრიაშვილთან იუხეშეს. საჯარიმო დავით თარგამაძემ შეასრულა. მასპინძლებმა ბურთი გამოიტანეს.

20. ბრესანი საჯარიმოს მისადგომებიდან სახიფათოდ ურტყამს, მაგრამ ბურთი მცირედით სცდება რევიშვილის კარს.

16. ჯაბა კანკავას პასმა ერთი-ერთზე მეკარესთან პირისპირ დატოვა დავით დევდარიანი, მაგრამ მსაჯმა საკმაოდ საკამათო თამაშგარე დააფიქსირა.

8. დავით თარგამაძემ მოედნის ცენტრში რამდენიმე ფეხბურთელი ჩამოიტოვა და მეტოქის საჯარიმოს უწია. ბოლო პასი ბელორუსთა კარის სიახლოვეს ვერ კეთდება.

7. ქართველი ფეხბურთელების შეტევა მარჯვენა ფრთიდან - ბურთმა დევდარიანამდე არც ამჯერად მიაღწია.

6. გოლი! ბელორუსების შეტევა მარცხენა ფრთიდან. ზურაბ ხიზანიშვილმა ბურთი ვერ მოიგერია და ფაქტობრივად, ჩააბარა მეტოქეს, ბრესანი კი ზუსტია - 1:0.

3. მასპინძელთა საპასუხო იერიში. დარტყმა საჯარიმოს მისადგომებიდან - ბურთი რევიშვილის კარს სცდება.

2 წუთი. თორნიკე ოქრიაშვილმა მარცხენა ფრთაზე რეიდი განახორციელა, მაგრამ მეტოქის საჯარიმოში ზუსტი პასი დევდარიანისკენ არ გამოუვიდა.

შეხვედრა დაიწყო

გუნდები მოედანზე გამოვიდნენ. სრულდება ჰიმნები.

სიმბოლოები:
გოლი ავტოგოლი გატანილი პენალტი ვერგატანილი პენალტი წითელი ბარათი ყვეთელი ბარათი მეორე ყვეთელი ბარათი ცვლილება