- მალტასთან მატჩმა დაგვიტოვა შთაბეჭდილება, რომ ნერვიულობდით...
- უბრალოდ, დიდი ხანია არ მოგვიგია და ხალხის გახარება გვსურდა. სხვათა შორის, ძალიან ცუდ მინდორზე ვთამაშობდით და სწრაფი შეტევის წამოწყება
- ფეხბურთში განწყობა ძალიან ბევრს ნიშნავს და იმედია, ეს ამაღლებული განწყობა რიგაშიც გაგყვებათ...
- რა თქმა უნდა, გაგვყვება და იმედია, იქაც მოვიგებთ. თუმცა ძალიან რთული მოწინააღმდეგე კი გვეყოლება...
- მოედნის მდგომარეობაზე გაამახვილეთ ყურადღება. უარესი არ გინახავთ?
- სანაკრებო დონეზე ნამდვილად არ მინახავს. ჭაობში ვთამაშობდით და დროა, საფარი შეცვალონ, თორემ ასეთ პირობებში საშინაო შეხვედრების მოგება ძალიან გაგვიჭირდება. მალტა დაცვაში იყო ჩამჯდარი, ჩვენ კი 90 წუთი დავრბოდით და ვცდილობდით, ბურთი ჯერ მეტოქის მოედანზე გადაგვეტანა, შემდეგ კი საჯარიმოში სწრაფად შეგვეღწია, მაგრამ თითქმის შეუძლებელი იყო, ბურთი ვერ მოძრაობდა და ტემპი იკარგებოდა. კიდევ კარგი, ბოლო მომენტში მაინც გავიტანეთ და 3 ქულა ავიღეთ.
- სხვათა შორის, ლატვია საქართველოსთვის ძალზე უხერხული მეტოქეა...
- მზადება უკვე დავიწყეთ და ვიმეორებ - კარგია, რიგაში მოგებულები, მშვენიერ ხასიათზე რომ მივემგზავრებით. ჯერ მათი თამაში არ გვინახავს, მაგრამ მოვასწრებთ და მატჩამდე კარგად შევისწავლით.
- შეგიძლიათ, თქვა, რომ ამ მოგებამ ფსიქოლოგიური სტრესი მოგიხსნათ?
- რა თქმა უნდა. იმიტომ, რომ მოგებას ყველა მოწყურებულები ვიყავით - ჩვენც, თქვენც, გულშემატკივრებიც... რას წარმოვიდგენდით, რომ მალტასთან ამდენი ხალხი მოვიდოდა?! ლამის შეივსო სტადიონი. ეს იმას ნიშნავს, რომ ხალხს ჩვენი სჯერა.
- გულშემატკივრობაზე რას იტყოდით?
- ძალიან მომეწონა, მადლობა ხალხს! ბოლოხანს წარუმატებლობები გვქონდა და მაინც რომ მოდის ხალხი სტადიონზე, ეს პატარა ამბავი არ არის.
ყოველდღიური სპორტული გაზეთი
"ლელო"
პირველი რომ ასათიანის სოლო რეიდი ბოლო წუთზე არ ყოფილა და მეორეც, თანაგუნდელს როგორ მისცა გოლის გატანის საშუალება?
შეიძლება თვითონაც კარგად უწყის რაც მე დავწერე, მაგრამ ასე შელამაზებაც.. რა ვიცი