14 ნოემბერს საქართველოს ეროვნული ნაკრები ეგვიპტესთან ამხანაგურ მატჩს გამართავს. გუნდის მთავარმა მწვრთნელმა თემურ ქეცბაიამ შეკრებაზე გამოძახებული ფეხბურთელები უკვე დაასახელა.არავის გაკვირვებია, ქეცბაიამ კვლავ ნაკრებს მიღმა რომ დატოვა მშვენიერ ფორმაში მყოფი თბილისის "დინამოს" თავდამსხმელი და ეროვნული ჩემპიონატის ბომბარდირი ჯაბა დვალი - ჩვენი ნაკრების სათამაშო სტილი ხომ ტანმაღალ თავდამსხმელებზეა აგებული. მაგრამ ეროვნული ნაკრების თავკაცის სიაში აღარ აღმოჩნდნენ ზურაბ ხიზანიშვილი, თორნიკე ოქრიაშვილი, ჯაბა კანკავა და ირაკლი სირბილაძე.
განსაკუთრებულად, კითხვები პირველი სამეულის არგამოძახების გამო იბადება.
არაა გამორიცხული, "ქაისერის" მცველის, ხიზანიშვილის გამოუძახებლობა ფინეთისა და ბელორუსის
იგივე თორნიკე ოქრიაშვილის ამბავი ავიღოთ: ბოლო დროს მარიუპოლის "ილიჩევეცის" 20 წლის შემტევი ნახევარმცველი საქართველოს ნაკრების ერთ-ერთი საკვანძო მოთამაშე გახდა. გულშემატკივარს რომ უყვარს, ისეთი ეფექტური ფეხბურთელია.
ეგვიპტესთან თამაში თორნიკეს ძალიან სურდა, მაგრამ მსოფლიოს ჩემპიონატის შესარჩევ ციკლში თბილისში ესპანეთთან, მინსკში კი - ბელორუსთან შეხვედრებში ორი ყვითელი ბარათი მიიღო, მომდევნო მატჩს საფრანგეთთან გამოტოვებს და მიიჩნევს, რომ ალბათ, ქეცბაიამ ამის გამო არ გამოიძახა. აბა, ლოგიკა სხვა მიზეზს გამორიცხავს.
ყველაზე მეტად კი ნაკრების კაპიტნის, ჯაბა კანკავას არყოფნა გვაოცებს.
ჯაბა კრივოი როგის "კრივბასიდან" დნეპროპეტროვსკის "დნიპრომ" წლეულს დაიბრუნა. თავდაპირველად, უკრაინული კლუბის მთავარი მწვრთნელი, ხუანდე რამოსი 26 წლის ქართველ საყრდენს შეცვლებზე ათამაშებდა, ნაკრების ფეხბურთელს კი სათამაშო პრაქტიკის არქონა აწუხებდა და ესპანელ სპეციალისტს "კრივბასში" გაშვება მოსთხოვა.
მაგრამ ბოლო პერიოდში კანკავას მდგომარეობა კლუბში გამოსწორდა. ბოლო მატჩებში რამოსი ძირითადში ხშირად აყენებს, თემურ ქეცბაიამ კი გუნდის კაპიტნად დანიშნა.
ჯაბა კმაყოფილია იმით, რომ ბოლო დროს ევროპის ლიგის ჯგუფურ ეტაპზე მოხვედრილი "დნიპროს" ძირითად შემადგენლობაში ადგილს იმკვიდრებს, მაგრამ რატომ არ გამოიძახეს ეგვიპტესთან შეხვედრაში, ამ კითხვაზე პასუხი კანკავას არ აქვს და ნაჩქარევი კომენტარის გაკეთებას ერიდება.
"ჯერ ნაკრების მწვრთნელმა უნდა თქვას, რა არის ჩემი გამოუძახებლობის მიზეზი.
მე მიზეზიც არ ვიცი და რა უნდა გითხრათ? ეს ხომ გუნდის მწვრთნელის კომპეტენციაა.
როდესაც მიზეზი გახდება ცნობილი, კომენტარს მერე გავაკეთებ", - გვითხრა კანკავამ.
ყოველდღიური სპორტული გაზეთი "ლელო"
ასევე იხილეთ:
ხიზანიშვილის, ოქრიაშვილისა და კანკავას გარეშე - ქეცბაიამ ნაკრები გაცხრილა
ხუანდე რამოსს ჯაბა კანკავა არა ქართველი, არამედ უკრაინელი ჰგონია?
ჯაბა კანკავა მილიონად შეფასდა, გიორგი ლორიას კი ფასი არ მომატებია
ჩემ კომპანიაში რომელიც ა.შ.შ. მტავრობაზე მუშაობს - თემური ერთ თვეს გაჩერდებოდა მენეჯერის პოზიციაზე. - ადამიანმა ჯერ ის უნდა აკეთოს საც მას მოეტხოვება პოზიციიდან გამომდინარე (რასაც ქეცბაია არ აკეტებს, ან ვერ აკეტებს - უცოდინარობსი გამო), და მერე უნდა განიხილოს რამდენად კარგია (თუმცა - ჩემი პირადი პოზიცია რომ მას აქაც პრობლემები აქვს)
აღარ გახსოვთ მსაჯებს როგორ ცემდა???????????
დააყენებს ყველას კარებთან და აწვალებს, მაგას რა ტაქტიკა უნდა!