ევროპალიგის პლეი ოფში ესტონურ "კალიუსთან" მატჩისას სანდრო კობახიძეს უხეშად ეთამაშნენ. მართალია, დნეპროპეტროვსკის "დნიპროს" შემტევმა ნახევარმცველმა შეხვედრა სრულად ჩაატარა და გოლიც გაიტანა, მაგრამ ესტონელებმა სახეზე კვალი მაინც დაატყვეს - კობახიძე საქართველოს ნაკრების შეკრებაზე თვალჩალურჯებული გამოცხადდა, წარბთან კი ნაკერები ედო.
საქართველოს ეროვნული ნაკრები უახლოესი შესარჩევი მატჩებისთვის 2 სექტემბრიდან ტექნიკურ ცენტრ "ბასაზე" ემზადება.
კობახიძეს მცირე ინტერვიუ ვთხოვეთ...
- ასეთ მდგომარეობაში ვარჯიში საშიში არ არის?
- სერიოზული არაფერია. იმდენ ხანს არ მქონდა ნათამაშები, ამას ვინ ჩივის. ფეხბურთში ასეთები ხდება და თვალის ჩალურჯების გამო შეკრებაზე
- სხვათა შორის, თემურ ქეცბაიამ თქვა - კლუბში არ ათამაშებენ, მაგრამ ნაკრებში მაინც ერთ-ერთი საუკეთესოაო. უთამაშებლობის ფონზე ეს მართლა უცნაურია...
- სასიამოვნოა, როცა მწვრთნელი ამას ამბობს და ამდენი წარუმატებლობის მიუხედავად, გულშემატკივრებიც თუ მაფასებენ. ყოველთვის ვცდილობ, მოედანზე ჩემი საქმე გულიანად და წესიერად გავაკეთო, ისე, როგორც ამას მწვრთნელი ითხოვს.
- საფრანგეთთან და ფინეთთან შეხვედრები გადაწყვეტს, ჯგუფში რომელ ადგილს დავიკავებთ. უმძიმესი თამაშები გელით...
- ორივე ძალზე მნიშვნელოვანი მატჩია. მე არც მახსოვს, შესარჩევი ციკლის ბოლოსკენ როდის იყო, რომ გარკვეული ამოცანებისთვის გვებრძოლა. მესამე ადგილის დაკავება გვსურს და საამისოდ ყველაფერი უნდა გავაკეთოთ.
გარდა ამისა, ვიცით, რომ საქართველოს ნაკრებს ბევრი აკრიტიკებს და გულშემატკივარი გაბრაზებულია.
ეს ლოგიკურიც არის, ბოლო დროს ბევრი წარუმატებელი მატჩი ჩავატარეთ, მაგრამ ვეცდებით, მდგომარეობა ბოლო ორ შეხვედრაში მაინც გამოვასწოროთ.
ასევე იხილეთ:
თემურ ქეცბაია: ყენია ჩემს მოთხოვნებს ვერც პიროვნულად აკმაყოფილებს
სანდრო კობახიძე: მეც დავზიანდი, მაგრამ მოედნიდან გასვლა არაფრით მინდოდა
სანდრო კობახიძის გოლი და სამი ქართველი ევროპის ლიგაში [VIDEO]
