საქართველოს ფეხბურთის ფედერაციაში აღმასკომის სხდომა მიმდინარეობს, სადაც ეროვნული ნაკრების ახალი მთავარი მწვრთნელის კანდიდატურას განიხილავენ.გავრცელებული ინფორმაციით, აღმასკომი ნაკრების მწვრთნელის პოსტზე ვლადიმირ ვაისის კანდიდატურას განიხილავს.
როგორც კახა ცხადაძის ადვოკატმა განაცხადა, ფეხბურთის ფედერაციამ უკვე მიაღწია კახა ცხადაძესთან და მის სამწვრთნელო შტაბთან შეთანხმებას კონტრაქტის გაწყვეტის თაობაზე.
კახა ცხადაძის ადვოკატის განცხადებით, კონტრაქტის გაწყვეტის პირობებთან დაკავშირებით მხარეები მოგვიანებით დეტალურად იმსჯელებენ.
მომზადებულია interpressnews.ge-ს მიხედვით
