მოლდოვის ნაკრები ფეხბურთელებს კარგავს.შეგახსენებთ, რომ 12 ნოემბერს "დინამო არენაზე" მოლდოვა მუნდიალი 2018-ის შესარჩევი ეტაპის ფარგლებში საქართველოს ნაკრებს ესტუმრება.
ჩვენი მეტოქე გუნდის ერთ-ერთი მეკარე ნიკოლაი კალანჩა მოახლებულ შეხვედრაში მონაწილეობას ვერ მიიღებს. მიზეზი კი ტრავმაა, რომელიც ფეხბურთელმა რუმინეთის ჩემპიონატში "კრაიოვასა" და "ტირგუ-მურეშის" შეხვედრაში მიიღო.
კალანჩა "კრაიოვის" ძირითადის მეკარეა, რომელიც რუმინეთის ჩემპიონატის სატურნირო ცხრილში მეორე ადგილს იკავებს.
კალანჩა მოლდოვის ნაკრების კარს 9 ოქტომბერს კიშინიოვში ირლანდიის წინააღმდეგ მატჩში იცავდა, რომელიც მასპინძლებმა ანგარიშით 1:3 დათმეს.
საერთო ჯამში, მეკარეს მოლდოვის ნაკრებში 15 შეხვედრა აქვს ჩატარებული,
აქვე გეტყვით, რომ საქართველოს ნაკრებთან მატჩში მოლდოველებს "მილსამის" ფეხბურთელები - ალექსანდრ დედოვი და ანდრეი კოჟოკარი დისკვალიფიკაციის გამო ვერ დაეხმარებიან, ხოლო "კუბანის" მცველი იგორ არმაში ირლანდიასთან მიღებული ტრავმის შემდეგ ჯერ არ გამოჯანმრთელებულა.
მომზადებულია point.md-ის მიხედვით
![საქართველო-მოლდოვის შემდეგ: გაორებული გრძნობით... [ნაწილი II]](/pictures/image7/ccfbc7991b12eb4f8f0ccfaa6a6a328d.jpg "საქართველო-მოლდოვის შემდეგ: გაორებული გრძნობით... [ნაწილი II]")
![საქართველო-მოლდოვის შემდეგ: შედეგი პირდაპირ გვეუბნება... [ნაწილი I]](/pictures/image7/5c18b989d45767b46a395cb3d9eb3ed3.jpg "საქართველო-მოლდოვის შემდეგ: შედეგი პირდაპირ გვეუბნება... [ნაწილი I]")
