IV ტური სატრანსპორტო კომპანია (თბ)-უნივერსიტეტი (თელავი) 2:3
თელასი (თბილისი)-იმერეთი (ქუთაისი) 8:1
თ.ს.უ. (თბილისი)-აჭარა (ბათუმი) 16:0
იბერია სტარი-ალგო (თბილისი) 8:1
სატურნირო ცხრილი
ა გ თ მ ფ წ ბ ქ
1.იბერია სტარი 4 4 0 0 42-5 12
2.თ.ს.უ. 4 3 0 1 40-11 9
3.თელასი 4 3 0 1 29-10 9
4.იმერეთი 3 2 0 1 18-17 6
5.უნივერსიტეტი 4 2 0 2 14-22 6
6.ალგო 3 1 0 2 12-14 3
7.სატრანსპორტო 4 0 0 4 11-41 0
8.აჭარა 4 0 0 4 6-52 0
ფუტსალში საქართველოს ჩემპიონატი გახურდა და ლიდერთა შეხვედრებიც გაიმართა. თუმცა ჯერჯერობით ბოლო წლების უცვლელ ლიდერ "იბერია სტარს" ვერავინ ვერაფერს აკლებს: ბოლო ტურში საქართველოს 9-გზის ჩემპიონი ბოლო ორი სეზონის ვიცე-ჩემპიონს, "ალგოს" შეხვდა.
სანამ უშუალოდ მატჩზე მოგახსენებდეთ, გეტყვით, წმინდა სპორტული თვალსაზრისის გარდა, ეს შეხვედრა
"ალგოს" ერთ-ერთი დამფუძნებელი გიზო ფხოველიშვილი ბოლო დრომდე ფუტსალის ასოციაციის პრეზიდენტი იყო, მეორე დამფუძნებელი და გუნდის მთავარი მწვრთნელი ზაალ ჩიტალაძე კი ეროვნულ ნაკრებს წვრთნიდა. ფუტსალის ასოციაციაში ფხოველიშვილის პრეზიდენტობისა და ჩიტალაძის ნაკრების მწვრთნელობის წინააღმდეგ კი პირველად სწორედ "იბერია სტარის" პრეზიდენტმა ვატო წერეთელმა გაილაშქრა.
მოკლედ, ეს იყო ძალინ პრინციპული შეხვედრა: გუნდები აქამდე 7-ჯერ შეხვდნენ ერთმანეთს, საიდანაც 6 მატჩი "იბერიამ" მოიგო, ერთიც ფრედ დასრულდა.
კიდევ ერთი ინტრიგა ის იყო, რომ ბოლო დრომდე "ალგო" საქართველოს ნაკრების საბაზო გუნდი იყო და ლეგიონერებით გადაჭედილ მეტოქესთან მოგების სტიმული ჰქონდა.
სპორტკომპლექს "არენაში" გამართულმა შეხვედრამ "იბერია სტარის" სიძლიერე კიდევ ერთხელ დაამტკიცა - მათ მეტოქე 8:1 დაამარცხეს. აქამდე ამ გუნდების ურთიერთშეხვედრებში ყველაზე დიდი ანგარიში 7:1 იყო...
* * *
აქვე კიდევ ერთი საინტერესო ამბავი, რაც ფუტსალს ეხება: გვითხრეს, თითქოს ფეხბურთში საქართველოს ჩემპიონი "ზესტაფონი" ფუტსალის გუნდის ჩამოყალიბებასაც აპირებს. შესაძლოა, ეს ჭორი იქიდან წამოვიდა, რომ ჩემპიონატის გახსნას ფეხბურთის ფედერაციის პრეზიდენტ ზვიად სიჭინავასთან ერთად, "ზესტაფონის" მეპატრონე ილია კოკაიაც დაესწრო. მაშინ ეს კითხვა ჩვენც გაგვიჩნდა, მაგრამ კოკაიამ გვიპასუხა, რომ მატჩზე მხოლოდ ინტერესის გამო მოვიდა.
"ზესტაფონის" პრეზიდენტს ადრეც შესთავაზეს რაგბის, კალათბურთისა და სხვა სახეობის გუნდების ჩამოყალიბება, მაგრამ გარკვევით თქვა, რაც მაინტერესებს, საქმეს სულით და გულით იქ ვაკეთებო და ვერც გაამტყუნებ.
თუმცა ფუტსალს საქართველოში პერსპექტივა გააჩნია და მიხედვა სჭირდება. იგივე ზესტაფონში 90-იან წლებში იყო ძალიან კარგი გუნდი "ორნატი" (პირველი ხნული), რომელსაც თემურ ნიქაბაძე წვრთნიდა. ზესტაფონელებმა თამაში პირველი ლიგიდან დაიწყეს, მერე უმაღლესში გადავიდნენ და საერთაშორისო ტურნირებზეც ხშირად გამოდიოდნენ.
ფუტსალელებში დღემდე ლეგენდად დადის, მოსკოვის საერთაშორისო ტურნირზე საბჭოთა კავშირის ნაკრებისა და მოსკოვის "სპარტაკის" ყოფილ ლიდერს, იური გავრილოვს ზესტაფონელებმა ბურთი ფეხებშუა რომ უგორეს, მისი გუნდი კი დაამარცხეს.
სამწუხაროდ, ფინანსური პრობლემების გამო "ორანტი", ისევე, როგორც ფუტსალის ბევრი კლუბი, დაიშალა. არადა, ფუტსალის კლუბის შენახვა საკმაოდ იაფი ჯდება და "ზესტაფონს" რადგან თავისი ხარჯები ისედაც მრავლად გააჩნია, ქალაქისთვის ძნელი არ უნდა იყოს ამ სახეობის გუნდის დაფინანსება.
იგივეს ვიტყვით სხვა იმ ქალაქზე, რომელიც უმაღლეს ლიგაშია: გუნდი არ ჰყავს რუსთავს (რომელიც ყოველთვის მოწინავე იყო ფუტსალის წინამორბედ მინი-ფეხბურთში), ზუგდიდს, მარტვილს, ფოთს, გორს, ბოლნისს. ამ სახეობის წამოწევა და განვითარება კი საკმაოდ ადვილი და იაფია. ამას ფეხბურთის ფედერაციის ერთი დირექტივა სჭირდება და საქმესაც მოევლება.
ყოველდღიური სპორტული გაზეთი "ლელო"
