პორტუგალიის ფუტსალის ეროვნული ნაკრების მთავარმა მწვრთნელმა ჟორჟე ბრაზიმ პორტუგალიის ფეხბურთის ფედერაციაში პრესკონფერენცია გამართა და მსოფლიო ჩემპიონატის მოსამზადებელ ეტაპსა და 24-25 ოქტომბერს ქართველებთან ორმატჩიან სპარინგზე ილაპარაკა.პორტუგალიელთა თავკაცმა ის მოთამაშეებიც დაასახელა, რომლებიც ავთანდილ ასათიანის შეგირდებს დაუპირისპირდებიან და მსოფლიოზე გაემგზავრებიან:
მეკარეები: ბებე ("ბენფიკა"), ჟოაო ბენედიტუ ("სპორტინგი");
მოედნის მოთამაშეები: გონსალო ალვეში, მარინიო, ჟოელ კეირუში (ყველა - "ბენფიკა"), ჯო, ლეიტაო, ჟოაო მატოში, პაულინიო, პედრო კარი (ყველა
- "სპორტინგი"), ანდრე სოუზა ("ოპერარიო"), კარდინალი ("რიუ ავე"), არნალდო ("ნიკარსი"), რიკარდინიო ("ნაგოია ოუშენსი").
პორტუგალიის ეროვნული ნაკრების და ლისაბონის
შევიტყვეთ, რომ საქართველოს ფუტსალის ასოციაციამ განაახლა მოლაპარაკება აშშ-ის ფედერაციასთან. ამერიკელთა მთავარი მწვრთნელი კეიტ ტოზერი და მისი შეგირდები საქართველოში წლის დასაწყისში უნდა ჩამოსულიყვნენ, თუმცა იმდროინდელმა ფუტსალის ხელმძღვანელობამ ამხანაგურ მატჩებზე უარი განაცხადა.
ტოზერს ახლაც სურს, თბილისს ესტუმროს და ჩვენს ნაკრებთან სამი ამხანაგური მატჩი ითამაშოს. დაინტერესებულია ტელეკომპანია FOX SPORT SOCCER-იც, რომელიც აშშ-ის ფუტსალის ნაკრების პირდაპირ ტრანსლაციებს გადასცემს. სავარაუდოდ, ამერიკელები მომავალ წელს გვესტუმრებიან.
საქართველოს ფუტსალის ასოციაციის ხელმძღვანელები პორტუგალიის ფეხბურთის ფედერაციის პრეზიდენტს ფერნანდო გომეშს შეხვდებიან და ამ საუბრის შემდეგ დაასახელებენ ამერიკელებთან მატჩის კონკრეტულ თარიღს - პორტუგალია საპასუხო ვიზიტით უნდა გვეწვიოს და ამერიკელებთან შეხვედრა ამ შეთანხმებაზეა დამოკიდებული. ამავე დროს, მოლაპარაკებები მიმდინარეობს ახალ ზელანდიასთან და ფინეთთანაც.
ასევე იხილეთ:
პორტუგალიის ეროვნული გუნდის თავკაცს საქართველოს ნაკრები მოეწონა
ავთანდილ ასათიანი: საქართველოს ნაკრებს ბევრი სპარინგი სჭირდება
ლევან ცქიტიშვილი: ფუტსალს საქართველოში მასობრიობა სჭირდება
