11 ოქტომბერს თბილისის სპორტის სასახლეში ევროპის ფუტსალის თასის გათამაშების ელიტრაუნდი დაიწყო. ცნობისთვის, ეს ტურნირი ფუტსალში იგივეა, რაც ჩემპიონთა ლიგა ფეხბურთში. ასე რომ, ასეთი რანგის მატჩების ცოცხლად ხილვა საკმაო სიამოვნებაა, მით უფრო მაშინ, როცა ქართული კლუბი უმაღლესი მიზნებისთვის იბრძვის.
11 ოქტომბერს საქართველოს ჩემპიონმა "იბერია სტარმა" ფინალური ოთხეულისკენ კიდევ ერთი ნაბიჯი გადადგა და იმედია, ამჯერად მაინც შეძლებს იმ მიზნის მიღწევას, სადამდეც ბოლო წლებში მცირედი აკლდებოდა ხოლმე.
ამაში "იბერია სტარს" ხელი შინაურმა კედლებმა უნდა შეუწყოს. მატჩებზე დასწრება თავისუფალია და იმედია, ელიტრაუნდის დასკვნით ორ
იბერია სტარი (საქართველო)-ლუპარენსე (იტალია) 6:1
გოლები: 1:0 აუგუსტუ (13), 2:0 აუგუსტუ (14), 2:1 საიოტი (24), 3:1 ბრუნო მელო (36), 4:1 ბრუნო მელო (36), 5:1 ბრუნო მელო (38), 6:1 ფუსტე (40)
იბერია სტარი: სელიო, აუგუსტუ, ბრუნო მელო, ლუსიო, რომარიო; აკოპოვი, რაფა, ძაბირაძე, ფუსტე, ჟილი, ალთუნაშვილი, სილვა.
მწვრთნელი: ს. ბენატი
ლუპარენსე: კავიკიო, პედოტი, ონორიო, მერლიმი, კაპუტო; პუტანო, ფაბიანო, აბდალა, კანალი, ბუონანო, საიოტი.
მწვრთნელი: ფ. კოლინი
გაფრთხილება: სილვა - მერლიმი, აბდალა
არბიტრები: რ. მარინი (ესპანეთი), დ. კონსტანტუნუ (კვიპროსი)
მატჩი "იბერიას" სულაც არ მოუგია ისე მარტივად, როგორც ეს ანგარიშიდან შეიძლება მოგეჩვენოთ. 36-ე წუთამდე გაურკვეველი იყო, თუ ვინ დაეუფლებოდა გადამწყვეტ უპირატესობას.
იტალიელებმა 2:1-ზე საკმაო რაოდენობის მომენტები შექმნეს, მაგრამ მოწოდების სიმაღლეზე იყო ჩვენი ბრაზილიელი მეკარე სელიო. ახალი ამბავი არ არის, რომ "იბერია სტარში" ამინდს სწორედ ბრაზილიელი ლეგიონერები ქმნიან და სწორედ მათმა ოსტატობამ გადაწყვიტა მატჩის ბედი. თუმცა ჩრდილში არც გუნდის ქართველი კაპიტანი გიორგი ალთუნაშვილი ყოფილა.
აუგუსტუმ ჯერ მეტოქის საჯარიმოში შექმნილი არეულობით ისარგებლა, შემდეგ კი კუთხურიდან მოწოდებულ ბურთს ერთი შეხებით მიუჩინა ადგილი "ლუპარენსეს" კარის ბადეში და ანგარიში ორამდე გაზარდა.
იტალიელებმა მეორე ტაიმის დასაწყისში ჩამორჩენა ერთ ბურთამდე შეამცირეს და 12 წუთის განმავლობაში მაყურებელი გვარიანად ანერვიულეს, თუმცა ამას ბრუნო მელოს გაბრწყინება და ორწუთიან მონაკვეთში შესრულებული ჰეთ თრიქი მოჰყვა.
ერთი გოლი მან მოედნის საკუთარი ნახევრიდან გაიტანა. იმ დროისთვის "ლუპარენსეს" მეკარე მოედნის მოთამაშით ჰყავდა შეცვლილი და ბოლო გოლები გარკვეულწილად, ამის გამოც გაუშვა.
მთლიანობაში, "იბერია სტარმა" დამაჯერებელი გამარჯვება მოიპოვა და იმედია, ელიტრაუნდს უდანაკარგოდ ჩაამთავრებს.
გიორგი ალთუნაშვილი ("იბერია სტარის" კაპიტანი): "დიდი მადლობა გულშემატკივრებს, ამ გამარჯვებაში მათ დიდი როლი ითამაშეს. მჯერა, მათი მხარდაჭერით ჯგუფში პირველობასაც მოვახერხებთ".
ვახტანგ წერეთელი ("იბერია სტარის" პრეზიდენტი): "იტალიის ჩემპიონთან გამარჯვება იოლი ნამდვილად არ არის და ბედნიერი ვარ, ეს რთული ამოცანა რომ გადავჭერით. ვიმედოვნებ, ეს შედეგი ქომაგებს სპორტის სასახლეში მოსვლისკენ უბიძგებს, მხარს უფრო მეტი გულშემატკივარი დაგვიჭერს და ელიტრაუნდში ერთობლივი ძალისხმევით გავიმარჯვებთ".
ბენფიკა (პორტუგალია)-დიორი ეტო (უნგრეთი) 3:3
გოლები: 1:0 მარინიო (23), 2:0 კეირუში (24), 3:0 უგო (36), 3:1 ჟუანრა (37), 3:2 აგილარი (39), 3:3 მარტინში (40)
ბენფიკა: ბებე, მარინიო, გონსალო, ს. პაულუ, კეირუში; მარკაო, უგო, ტეკა, დიეკე, ბ. კოელიო, ნენე, სოლი.
მწვრთნელი: პ. ფერნანდეში
დიორი ეტო: ბალაში, ლუკე, ალ-ლოანი, მარტინში, აგილარი; მატკოვიჩსი, ლოდი, შეგი, ჰარნიში, დროტი, ჟუანრა, ხორვატი.
მწვრთნელი: მ. ლოპესი
გაფრთხილება: ს. პაულუ, დიეკე - დროტი, ჟუანრა
არბიტრები: გ. ბაუერნფაინდი (ავსტრია), ლ. პეშკო (სლოვაკეთი)
ფუტსალისთვის სენსაციები უცხო არ არის, თუმცა, სპეციალისტთა აზრით, ამ ჯგუფის გამარჯვებული "იბერია სტარსა" და "ბენფიკას" შორის უნდა გაირკვეს.
თუკი ჩვენმა ჩემპიონმა პირველ ტურში ფავორიტის სტატუსი ასი პროცენტით გაამართლა, პორტუგალიელებმა დაგეგმილი სამი ქულის მოპოვება ვერ შეძლეს.
არადა, 37-ე წუთამდე "ბენფიკა" სამბურთიანი უპირატესობით იყო დაწინაურებული და ვერავინ წარმოიდგენდა, ასეთი უსიამოვნება თუ შეემთხვეოდა. "დიორი ეტომ" სასწაული მოახდინა - უნგრელებმა ორი სწრაფი გოლით ჩამორჩენა მინიმუმამდე შეამცირეს, გამათანაბრებელი ბურთი კი შეხვედრის დასრულებამდე ორი წამით ადრე გაიტანეს!
| ა | გუნდი | თ | მ | ფ | წ | ბ | ქ |
| 1. | იბერია | 1 | 1 | 0 | 0 | 6-1 | 3 |
| 2. | ბენფიკა | 1 | 0 | 1 | 0 | 3-3 | 1 |
| 3. | დიორი ეტო | 1 | 0 | 1 | 0 | 3-3 | 1 |
| 4. | ლუპარენსე | 1 | 0 | 0 | 0 | 1-6 | 0 |
12 ოქტომბერი
15:00 ლუპარენსე-ბენფიკა
17:30 იბერია სტარი-დიორი ეტო
ყოველდღიური სპორტული გაზეთი "ლელო"
