სპორტკომპლექს "არენაში" ფუტსალში საქართველოს ჩემპიონატის მე-5 ტურის შეხვედრები გაიმართა.საქართველოს ჩემპიონმა "იბერია სტარმა" მიმდინარე სეზონში ყველაზე მძიმე დაპირისპირება გადაიტანა.
"სოკართან" შეხვედრის ბოლო წუთამდე ანგარიში 2:2 იყო. სერჟიო ბენატის გაწვრთნილებმა მეტოქეს გამარჯვება მხოლოდ შეხვედრის დასრულებამდე 40 წამით ადრე გამოგლიჯეს (3:2) და ლიდერობა განიმტკიცეს.
პირველი გამარჯვება მოიპოვა GIEC-მა, რომელმაც თელავის "ბურჯს" 6:1 სძლია. უშუალო კონკურენტების, თსუ-სა და "თელასის" შეხვედრა სტუდენტების გამარჯვებით დასრულდა - 4:1. ამ გამარჯვებითა და ბურთების უკეთესი სხვაობით, თსუ-მ "თელასი" მესამე ადგილზე დააქვეითა.
სატურნირო ცხრილი
ა გ თ მ ფ
1. იბერია 5 5 0 0 33-8 15
2. თსუ 4 3 0 1 22-11 9
3. თელასი 5 3 0 2 14-13 9
4. სოკარი 4 1 0 2 18-14 3
5. GIEC 4 1 0 3 8-18 3
6. ბურჯი თელავი 4 0 0 4 6-37 0
ყოველდღიური სპორტული გაზეთი "ლელო"
