მოსკოვური შეკრებიდან დაბრუნებულმა "იბერია სტარმა" საქართველოს ჩემპიონატში მორიგი ტურის შეხვედრა ჩაატარა და კვლავ გაიმარჯვა. სერჟიო ბენატის გუნდმა სპორტკომპლექს "არენაში" ამჯერად ენერგეტიკული კომპანიის გუნდ GIEC-ს მოუგო 5:1. ამ უკანასკნელმა მანამდე გამოტოვებული შეხვედრა "სოკართან" გამართა და ისიც დათმო.
ვერა და ვერ მოიგო თელავის "ბურჯმა" - კახელები ამჯერად "სოკართან" დამარცხდნენ - 1:12.
როგორც შევიტყვეთ, მოსკოვში ჩატარებული ამხანაგური შეხვედრების შემდეგ "იბერიას" პრეზიდენტი ვახტანგ წერეთელი ახალწვეულების ნაწილით უკმაყოფილო დარჩა და სხვა მოთამაშეების
შეგახსენებთ, რომ რუსეთის დედაქალაქში შეკრებისას საქართველოს ჩემპიონმა სამი საკონტროლო მატჩი გამართა და მხოლოდ ერთი დაასრულა ფრედ, ორში კი დამარცხდა.
წერეთელს სურს, რომ ქართველი გულშემატკივარი გაახაროს, მოსკოვში ნაჩვენები თამაშის ხარისხით კი ეს შეუძლებელი იქნება. ჩვენი ინფორმაციით, უეფას ოთხთა ფინალამდე ერთი თვით ადრე კლუბში დამატებითი ცვლილებებია მოსალოდნელი.
"ახლა დროც არ არის საკმარისი და ექსპერიმენტებიც აღარ გამოვა. ამიტომ ჩვენი კლუბის პრეზიდენტი მსოფლიო დონის ვარსკვლავებს ელაპარაკება, გუნდი ოთხთა ფინალამდე მნიშვნელოვნად რომ გაძლიერდეს და ქართველი მაყურებლის წინაშე ღირსეულად წარსდგეს", - გვითხრა კლუბის მენეჯერმა გიორგი დარჯანიამ, მაგრამ სასურველ მოთამაშეთა გვარები არ დაუკონკრეტებია.
ამაზეა ნათქვამი, ზოგი ჭირი მარგებელიაო. აპრილამდე "იბერიას" ხარვეზების გამოსწორების შანსი კიდევ აქვს და იმედია, მისი თავკაცები პრობლემებს მაქსიმალურად მოაგვარებენ.
ფუტსალი. ეროვნული ჩემპიონატი
GIEC-სოკარი 7:9
ბურჯი-სოკარი 1:12
იბერია სტარი-GIEC 5:1
გოლები: ალთუნაშვილი (3), ძაბირაძე, აუგუშტო; ნიკოლაიშვილი
სატურნირო ცხრილი
ა გ თ მ ფ წ ბ ქ
1. იბერია 10 10 0 0 73-17 30
2. თსუ 8 6 0 2 54-24 18
3. სოკარი 9 5 0 4 62-30 15
4. თელასი 8 5 0 3 35-24 15
5. GIEC 11 2 0 9 35-77 6
6. ბურჯი 10 0 0 10 21-109 0
შემდეგი ტურის შეხვედრები 23 მარტს კვლავ სპორტკომპლექს "არენაში" გაიმართება:
12:30 სოკარი - GIEC
11:30 იბერია - ბურჯი
ყოველდღიური სპორტული გაზეთი "ლელო"
