საქართველოს ჩემპიონატის მორიგი ტურის შეხვედრებში სენსაცია არ მომხდარა. კვლავ დაუმარცხებელია "იბერია სტარი", რომელმაც ამჯერად მეორეადგილოსანი "სოკარი" დაამარცხა. ამ უკანასკნელს "სტუ თელასი" გაუთანაბრდა, ხოლო მეორე ადგილზე თსუ გადავიდა.
შემდეგი ტურის მატჩები 10-13 და 17-20 აპრილს გაიმართება, მაგრამ "იბერია სტარმა" უკვე პაუზა აიღო და 11 მაისამდე ეროვნულ ჩემპიონატში არ ითამაშებს. 26-28 აპრილს საქართველოს ჩემპიონს უეფას თასის "ოთხთა ფინალის" მატჩები ელის.
8 აპრილს "იბერია სტარი" მატარებლით აზერბაიჯანში გაემგზავრა, სადაც ორ ამხანაგურ მატჩს გამართავს აზერბაიჯანის საუკეთესო გუნდთან, ევროპის ერთ-ერთ გრანდ ნახიჭევანის "არაზთან".
"ოთხთა ფინალამდე"
საქართველოს ჩემპიონის მეტოქე აზერბაიჯანის ჩემპიონატის ერთპიროვნული ლიდერია და კონკურენტ "ეკოლს" 10 ქულით უსწრებს. გუნდის ბირთვს აზერბაიჯანელები შეადგენენ.
"იბერიას" მენეჯერის, გიორგი დარჯანიას თქმით, შეხვედრები 10 და 11 აპრილს ბაქოში გაიმართება, საქართველოში კი გუნდი 12 აპრილს დაბრუნდება და მზადებას თბილისში გააგრძელებს.
ამასობაში ფინალის მონაწილე ალმატის "ქაირათი" ზედიზედ მეათედ გახდა ყაზახეთის ჩემპიონი. გუნდმა გადამწყვეტ შეხვედრაში თანაქალაქელი ცსკა 13:5 დაამარცხა. ალმატელებმა ჩემპიონატში მხოლოდ ერთხელ წააგეს და ამავდროულად, ქვეყნის თასსაც დაეუფლნენ.
ასევე ქვეყნის ჩემპიონი გახდა "ოთხთა ფინალის" ფავორიტი "ბარსელონაც". კატალონიელებმა ტიტული ტურნირის დასრულებამდე ხუთი ტურით ადრე გაინაღდეს.
უეფას თასის ნახევარფინალში "იბერიას" მეტოქე - მოსკოვის "დინამო" რუსული სუპერლიგის ლიდერია - 18 ტურში 16 მოგება, 1 ფრე და 1 წაგება. მოსკოველებს 48 ქულა აქვთ, უშუალო კონკურენტს, ბესო ზოიძისა და ზვიად კუპატაძის "გაზპრომ-იუგრას" 11 ქულით უსწრებენ.
საქართველოს ჩემპიონატი ფუტსალში
იბერია სტარი-სოკარი 4:1
გოლები: აუგუსტო (2), რაფა, ლუსიო - ტიკურიშვილი
თსუ-ბურჯი 7:0
გოლები: თოფურია (2), სიგუნავა (2), ჭანუყვაძე, კაკაბაძე, ჯაფარიძე
GIEC-სტუ თელასი 1:11
გოლები: კავთელაძე - ცხომარია (3), ბოკერია (3), ცნობილაძე (2), ასათიანი (2), სოზაშვილი
ა გ თ მ ფ წ ბ ქ
1. იბერია 12 12 0 0 99-18 36
2. თსუ 9 7 0 2 61-24 21
3. სოკარი 11 6 0 5 68-36 18
4. თელასი 9 6 0 3 46-25 18
5. GIEC 13 2 0 11 38-90 6
6. ბურჯი 12 0 0 12 21-140 0
(იბეჭდება მცირე ცვლილებით)
ყოველდღიური სპორტული გაზეთი "ლელო"
