მაშ ასე, ალმატის "ქაირათმა" უდიდესი სენსაცია მოახდინა. ყაზახურმა კლუბმა მშვენიერი ფეხბურთი აჩვენა და ფუტსალში ყველაზე პრესტიჟულ საკლუბო პრიზს - უეფას თასს დამსახურებულად დაეუფლა.გუნდის ბომბარდირი ფუმასა გახდა. უკვე ვწერდით, რომ ის "იბერია სტარში" თამაშობდა და ქართული პასპორტის მფლობელია.
ყაზახების 26 წლის ბრაზილიელმა ლეგიონერმა "ბარსელონასთან" ნახევარფინალში ჰეთ თრიკი შეასრულა და შეხვედრის ბედი გადაწყვიტა. ფინალში კი მოსკოვის "დინამოს" ერთი გაუტანა და ოთხი გოლით "ოთხთა ფინალის" საუკეთესო ბომბარდირი გახდა.
ფუმასას ფინალის შემდეგ მცირე ინტერვიუ ჩამოვართვით.
- გილოცავ დიდ წარმატებას!
- დიდი მადლობა. ეს
- ჩვენთვის მოულოდნელი აღმოჩნდა, რომ თურმე საქართველოს მოქალაქე ყოფილხარ...
- როდესაც "იბერია სტარში" ვთამაშობდი, საქართველოს ნაკრებში თამაშსა და აქ დარჩენაზე ვფიქრობდი - პასპორტიც ამიტომ ავიღე.
- მას შემდეგ უკრაინაში ითამაშე, ახლა ყაზახეთში გამოდიხარ. საქართველოს პასპორტის შენარჩუნება რისთვის დაგჭირდა?
- ბრაზილიის პასპორტით ევროპაში შესვლა უფრო დიდ სირთულეს წარმოადგენდა და გადავწყვიტე, საქართველოს მოქალაქეობა შემენარჩუნებინა.
- საქართველოს ნაკრებში თამაშზე ახლაც ფიქრობ?
- ახლა ყაზახები მთავაზობენ და ვნახოთ.
- გამოდის, სპორტის სასახლეში თავს უცხოდ არ გრძნობდი...
- დიახ, ეს მომენტი ნამდვილად არ მქონდა არც მე და არც ჟოანს.
- ჟოანი რა შუაშია?
- ჟოანიც "იბერია სტარის" მოთამაშე იყო.
- "იბერიას" გამოსვლაზე რას იტყვი?
- ძალიან გამიხარდა, როდესაც შევიტყვე, რომ "ოთხთა ფინალს" თბილისი უმასპინძლებდა, რადგან აქ ბევრი მეგობარი შევიძინე. "იბერია სტარი" ადრეც ძლიერი გუნდი იყო და ახლაც ასეა, მაგრამ ვერ ვხვდები, ამ ტურნირზე რა დაემართა. მისგან ბევრად მეტს ველოდი და მსურდა, "ქაირათი" სწორედ "იბერიას" შეხვედროდა ფინალში.
საწყენია, ასე რომ არ მოხდა. იმედია, გუნდი მომავალ გათამაშებაში უფრო წარმატებით იასპარეზებს.
ყოველდღიური სპორტული გაზეთი "ლელო"
ასევე იხილეთ:
"კაირათი" ფუტსალის თასის მფლობელი გახდა
"იბერია სტარი" "ბარსელონასთან" დამარცხდა
იბერია სტარი-დინამო 2:5 - შეგვეძლო თუ არა მეტი?
