27 დეკემბერს, ახალ სპორტის სასახლეში ბიზნესის ჩემპიონთა ლიგის 2015 წლის ბოლო სათამაშო დღე გაიმართება. ორკვირიანი შესვენების წინ მეხუთე ტურის შეხვედრებს კორპორატიული ლიგის გუნდები გამართავენ.ტური ვერცხლის ლიგის გუნდების დაპირისპირებით დაიწყება. პირველები ერთმანეთის პირისპირ "ბი პი ჯორჯიისა" და "ბაქსვუდის" გუნდები წარდგებიან.
საკმაოდ საინტერესო და პრინციპული "სამედიცინო დერბი" გაიმართება 12:00 სთ-ზე, რომელშიც ერთმანეთს "ავერსისა" და "ტატიშვილის" გუნდები დაუპირისპირდებიან.
მომდევნო შეხვედრაში "თბილისის მერია" და "ბანკი რესპუბლიკა" ითამაშებენ, ხოლო ტურს ორი ლიდერის დაპირისპირება დაასრულებს: "ალიანს საქართველო" წინა ტურში შეწყვეტილი მოგებების სერიის განახლებასდაუმარცხებელ "ვითიბი ბანკთან"
შეგახსენებთ, რომ ვერცხლის ლიგის მეხუთე ტურის ერთი შეხვედრა 20 დეკემბერს გაიმართა, რომელშიც "თეთრმა ქუდმა" "საქრუსენერგოს" სძლია - 7-3.
27.12.2015. ვერცხლის ლიგა. V ტური
11:00 BP GEORGIA – ბაქსვუდი
12:00 ავერსი - ტატიშვილი
13:00 თბილისის მერია - ბანკი რესპუბლიკა
14:00 ალიანს საქართველო - ვი თი ბი ბანკი
საინტერესო შეხვედრები გაიმართება ოქროს ლიგის V ტურშიც.
15:00 სთ-ზე "საპატრულო პოლიციის" გუნდი "თბილისის სატრანსპორტო კომპანიას" დაუპირისპირდება. 16:00 სთ-ზე კი ტურის ცენტრალური შეხვედრა გაიმართება. ერთმანეთის პირისპირ ორი დაუმარცხებელი გუნდი: "ნატახტარი" და "საქართველოს ფოსტა" წარდგებიან. აღსანიშნავია, რომ აქამდე გამართულ სამ შეხვედრაში "ფოსტალიონებს" ჯერ ქულაც არ დაუკარგავთ.
ტურის შემდეგი დაპირისპირება "საქართველოს ბანკსა" და "ევროპაბეთს" შორის გაიმართება. შარშანდელ ფინალისტს მიმდინარე სეზონში ჯერ ქულაც კი არ აქვს აქტივში.
ტურს "ვესტ ინვესტისა" და "კრედოს" დაპირისპირება დაასრულებს.
27.12.2015. ოქროს ლიგა. V ტური
15:00 პატრული – TTC
16:00 საქართველოს ფოსტა - ნატახტარი
17:00 საქართველოს ბანკი - ევროპაბეთი
18:00 ვესტ ინვესტი - კრედო
კვირასვე გაიმართება სუპერლიგა B-ს მეხუთე ტურის გადადებული შეხვედრა კასპის "გენერალსა" და "პალერმოს" შორის, რომელიც დაასრულებს კიდეც 2015 წლის ბოლო სათამაშო დღეს.
27.12.2015. სუპერლიგა B. V ტური
19:00 მფკ გენერალი (კასპი) - პალერმო
ბიზნესის ჩემპიონთა ლიგის გენერალური პარტნიორია "ვითიბი ბანკი". ჩემპიონატის ტექნიკური პარტნიორია ესპანური სპორტული ბრენდი JOMA.
ღონისძიების პარტნიორები და მხარდამჭერები არიან: სამაუწყებლო კომპანია "რუსთავი 2", იურიდიული ჯგუფი "ერისთავი და პარტნიორები", სასტუმრო "ჰოლიდეი ინი", "წყალი მარგებელი", Apple City, ვერცხლის ნაკეთობები "შემოინახე მემკვიდრეობა", "ტატიშვილის სამედიცინო ცენტრი" და მუსიკალური მაღაზია "GURU music".
მედია პარტნიორები: რადიოები, "იმედი", "კომერსანტი", "JAKO FM", ვებ პორტალები, geosports.ge, sportall.ge, worldsport.ge, goal.ge, 90wuti.ge და გაზეთი "ლელო".
სპორტული სააგენტო SBM-ის პრესსამსახური
