ყაზახური "ორდაბასი" ქართველმა ფორვარდმა ოთარ მარცვალაძემ დატოვა. აღნიშნულ ინფორმაციას tvk-uko.kz ავრცელებს.ჯერჯერობით უცნობია, სად გააგრძელებს კარიერას 32 წლის ფორვარდი.
მარცვალაძე "ორდაბასში" 2016 წლის ივლისში გორის "დილადან" გადაბარგდა. მანამდე ფეხბურთელს "ვიტ ჯორჯიაში", კიევის "დინამოს" მეორე გუნდში, "ზაკარპატიაში", "ანჟიში", "ვოლგაში", "კრასნოდარში", "სკა ენერგიაში", "ალანიაში", თბილისის "დინამოში" და "ტოსნოში" უთამაშია, საიდანაც 2015 წლის ივლისში "დილაში" გადაბარგდა.
