გიორგი მაკარიძე: თუ გგონიათ, რომ ვაისი ჩემს თამაშებს უყურებს, ცდებით...

AutoSharing Option
29 იანვარს, პორტუგალიის ლიგის თასის ფინალი გაიმართა, რომელშიც გამარჯვება გიორგი მაკარიძის გუნდმა "მორეირენშემ" იზეიმა.

"მორეირენშემ" ფინალში "ბრაგა" დაამარცხა და ქართველმა მეკარემაც პორტუგალიურ კლუბში პირველი ტიტული მოიპოვა.

- გიორგი მაკარიძე პორტუგალიის ლიგის თასის გამარჯვებულია [VIDEO]

"მორეირენშეს" ამ წარმატებაში მაკარიძემ მართლაც დიდი წვლილი შეიტანა - გიორგიმ, ჯერ იყო და, 1/4-ფინალში "პორტუსთან" ითამაშა შესანიშნავად, შემდეგ კი - 1/2-ფინალში, "ბენფიკასთან".

მიუხედავად სტაბილურად მაღალ დონეზე თამაშისა, მაკარიძეს ეროვნულ ნაკრებში შანსი არ ეძლევა, რაც ერთი შეხედვით, უცნაურა
დაც ჩანს. Sportall.ge 26 წლის მეკარეს სწორედ ნაკრებში შანსის მიუცემლობასა და პორტუგალიაში მოპოვებულ წარმატებაზე ესაუბრა.

- პირველ რიგში, გილოცავთ პირველ ტიტულს... კლუბს ლიგის თასზე აქცენტი თავიდანვე ჰქონდა გაკეთებული თუ "პორტუს" დამარცხების შემდეგ ირწმუნეთ, რომ ეს შეგეძლოთ?
- არა, აქცენტი არ გვქონია თასზე გაკეთებული. ამ ტურნირზე მწვრთნელი იმ მოთამაშეებს აძლევდა სათამაშო დროს, ვისაც ჩემპიონატში არ უწევდა გარჯა. ნახევარფინალში "ბენფიკასთანაც" კი ძირითადი შემადგენლობის 6 ფეხბურთელი დაასვენა... ყველას გვეგონა, რომ წავაგებდით, მით უმეტეს, რომ "ბენფიკა" ახლა ძალიან კარგ ფორმაშია, მაგრამ ეს ფეხბურთია და ანგარიშს წინასწარ ვერ განსაზღვრავ.

მხოლოდ დღეს ვირწმუნეთ, რომ თასის მოგება შეგვეძლო. ხომ ხვდებით, ძალიან საბრალოები ვიქნებოდით, "პორტუსა" და "ბენფიკას" დამარცხების შემდეგ, ფინალში რომ წაგვეგო. მართლა ძალიან დიდი უსამართლობა იქნებოდა...

- ბოლო შეხვედრებს მართლაც უმაღლეს დონეზე ატარებ. როგორ ფიქრობ, ფორმის პიკში ხარ?
- ჩვეულ ფორმაში ვარ. საერთოდ, სტაბილურობა მახასიათებს, უბრალოდ, წელს ისე ხდება, რომ ბურთი იქ მიდის, სადაც მინდა (იცინის).

- კლუბს ახლა მთელი აქცენტი ჩემპიონატზე ექნება...
- კი, უმაღლეს ლიგაში დარჩენა დავისახეთ მიზნად და დიდი ალბათობით, დავრჩებით კიდეც.

- პორტუგალიის ჩემპიონატზე რას გვეტყვი?
- აქ ძალიან ნიჭიერი ფეხბურთელები თამაშობენ და ტრამპლინისთვის იდეალური ჩემპიონატია. ხალხს ფეხბურთის გარდა, არაფერი აინტერესებს. ერთი ისაა, რომ ფეხბურთი აქაურებისთვის სამ ნაწილად იყოფა: "სპორტინგად", "პორტუდ" და "ბენფიკად". ამიტომაა, რომ მხოლოდ ამ გუნდების თამაშებზე ივსება სტადიონები, გინდ შინ თამაშობდნენ და გინდ - გასვლაზე.

- სატრანსფერო ფანჯარა იხურება და გასაგებია, რომ აღარსად გადახვალ, მაგრამ ხომ არ გქონდა საინტერესო შემოთავაზებები?
- ჯერჯერობით არა. ვნახოთ, იმედია, ზაფხულში მექნება.

- მიუხედავად კარგი თამაშისა, ეროვნულ ნაკრებში ადგილი დღემდე ვერ დაიმკვიდრე... რისი ბრალია ეს?
- სიმართლე გითხრათ, ამ კითხვაზე პასუხი არც მე ვიცი. მწვრთნელის პრეროგატივაში ვერ ჩავერევი, მაგრამ ვფიქრობ, ერთ ამხანაგურ მატჩში თამაშს მაინც ვიმსახურებდი.

- როგორ ფიქრობ, ახლა მაინც მოგეცემა შანსი ნაკრებში?
- და რატომ გგონიათ, რომ ეს წარმატება რამეს შეცვლის? თქვენ გგონიათ, ვაისი ჩემს თამაშებს უყურებს? თუ ასეა, ცდებით. ამ მხრივ ძალიან გულნატკენი ვარ, იმედიც კი არ მაქვს, რომ ვაისი ეროვნულ ნაკრებში თამაშის საშუალებას მომცემს. ეგ კი არა, დიდი ალბათობით, აღარც გამომიძახებს...
მკითხველის კომენტარები / 27 /
როცა ლორია და რევიშვილი გყავს იქ დზირითადში მაკარიძეზე ლაპარაკი ზედმეტია.
toxli
30 იანვარი 2017 14:40
0
kargi mekarea da warmatebebi. magram logikuria rom ar uwevs nakrebshi. jer bevri aklia loriamde, revishvilic uketesia. shecdomebic mosdis karg tamashtan ertad. loria ukve namdvili prifesionalia da shedarebac ar girs
nnnn
30 იანვარი 2017 14:39
0
.
toxli
30 იანვარი 2017 14:39
0
აბა ვაისმა ყველას ვაკვირდებითო...
rezo
30 იანვარი 2017 14:37
0
აბა ვის თამაშებს უყურებს....ციმბირში რომ თამაშობენ>?..არ იქნება ჩვენი საშველი...
rezi
30 იანვარი 2017 14:35
0
ასეთი ფედერაციის და მწვრთნელის ხელში შანსი არ ექნება ამ ბიჭს,არადა ალალად ეკუთნის! ამჟამად ის არის საუკეთესო ქართველი მეკარე, მოლდოვასთან ეგ რომ დგარიყო მოვიგებდით,იმედია (ვაი)სი მალე მოგვცილდება
guro
30 იანვარი 2017 14:33
0
დღესდღეობით ყველაზე სტაბილურია და ნამდვილად იმსახურებს , არათუ გამოძახებას , არამედ ძირითადში თამაშის ღირსია.ისე ბოლოს კალაძის შემდეგ რომელმა ქართველმა ფეხბურთელმა მოიგო სადმე რამე? ერთი ანანიძემ თასი როსტოვში და ეხლა მაკარიძემ, კანკავამ ფინალი ითამაშა , სუპერთასი... დანარჩენები იბრძვიან სადღაც ჭ კლასის გუნდში სათადარიგოზე რო მაინც მოხვდეს... ასე რომ ეს ბიჭი იმსახურებს შანს...
Vasili
30 იანვარი 2017 14:25
0
ხომ რწმუნდებით რომ ვაისი სიაფანტეა. მიგინეიშვილს და სხვებს არ ვაყენებ შეურაცხყოფას, მაგრამ მაკარიძისათვის უნდა მიეცა ამხანაგურებზე თამაშის საშუალაება.
დემე
30 იანვარი 2017 14:22
0
ეკუთვნის ორი აზრი არ არის, მაგრამ ცუდი ის არის, თვითონ რომ იმედი არა აქვს. ბოლო თამაშებში ნამდვილად შეიძლებოდა მისი გამოძახება
777
30 იანვარი 2017 14:19
0
..მდა(((...და მეც ხშირად გაოცებული ვარ შემადგენლობით და ასევე პრაქტიკულად იგნორირებით გოგია,ჯიქია,ფარცვანიასი....ფარცვანიამ არაერხელ განაცხად,რომ სურს საქართველოს ეროვნულ ნაკრებში თამში.გოგია და ჯიქიქს რაც შეეხება–პრაქტიკულად იგნორირებად უნდა ჩავთვალოთ,რა შეთავაზებაც აქვს ჩვენგან...
ზაზა
30 იანვარი 2017 14:14
0

ასევე დაგაინტერესებთ
სიახლეები პოპულარული