კვიპროსული მედიის მტკიცებით, თემურ ქეცბაიამ შესაძლოა, "ომონია" ჩაიბაროს. როგორც კუნძულზე წერენ, კვიპროსული კლუბის პრეზიდენტი ანტონიოს ციონისი უკვე ესაუბრა ქართველ სპეციალისტს და ქეცბაია არ არის წინააღმდეგი, დაუბრუნდეს საფეხბურთო საქმიანობას. შეგახსენებთ, რომ 49 წლის ქეცბაია მას მერე უმუშევარია, რაც ოქტომბერში ათენის აეკ-ის ხელმძღვანელობამ მასთან კონტრაქტის გაწყვეტა გადაწყვიტა.
"ომონია" 54 ქულით მე-4 ადგილზეა ჩემპიონატში. გუნდის თავკაცი ჯონ კარვერი ერთი თვის წინათ გაათავისუფლეს, გუნდს დროებით აკის ლოაკიმი წვრთნის.
