ბოლო მატჩებია, საქართველოს ეროვნული ნაკრების 27 წლის ნახევარმცველი ბუბა დაუშვილი უნგრული "დიოშდიორის" შემადგენლობაში არ ჩანს. მართალია, ეს კლუბი შინაურ ჩემპიონატში მხოლოდ უმაღლეს ლიგაში ადგილის შესანარჩუნებლად იბრძვის და 34 ქულით მე-10 ადგილზეა, მაგრამ უნგრული მედია ერთხმად აღნიშნავს, რომ ყველაზე სტაბილურად ამ გუნდში სწორედ დაუშვილი ასპარეზობს...დავინტერესდით მისი ჯანმრთელობის მდგომარეობით და უნგრეთში დავუკავშირდით...
- ბოლო მატჩებში არ ჩანდით "დიოშდიორის" შემადგენლობაში. რაშია საქმე?
- მხრის ტრავმა მივიღე და ამან გარკვეული პერიოდი გამაცდენინა. ახლა ყველაფერი კარგადაა, უკვე შევუდექი ვარჯიშს და მალე თამაშსაც დავიწყებ. ასე
- ზოგადად, რამდენად კმაყოფილი ხართ გუნდით, უნგრეთის ჩემპიონატით?
- საშუალო დონეა. მინდა, უკეთეს ლიგასა და უკეთეს კლუბში გადავიდე.
- "დიოშდიორი" უმაღლეს ლიგაში ადგილის შესანარჩუნებლად იბრძვის. დაძაბული სეზონი კი გამოდის...
- სეზონი მართლაც ძალიან დაძაბულია. ოთხი გუნდი იბრძვის უმაღლეს ლიგაში დარჩენისთვის და მათ შორის ერთ-ერთი ჩემი გუნდიცაა. სეზონის ბოლოა და, როგორც იტყვიან, ყველა ქულას ოქროს ფასი აქვს.
- ინფრასტრუქტურის მხრივ როგორი მდგომარეობაა უნგრეთში?
- ამ მხრივ ყველაფერი კარგადაა როგორც კლუბში, ისე ზოგადად ჩემპიონატში. ინფრასტრუქტურულად უმაღლეს დონეზეა აქ ყველაფერი, ერთი აწყობილი მექანიზმია.
- ხომ არ გაქვთ რაიმე კონკრეტული შეთავაზება?
- ჯერ არაფერია გარკვეული.
- სერიოზული შეთავაზების შემთხვევაში გუნდის დატოვებაზე დაფიქრდებით?
- რა თქმა უნდა?!
ყოველდღიური სპორტული გაზეთი "ლელო"
