weltfussball.at-ის ინფორმაციით, ვენის "რაპიდის" ფორვარდ გიორგი ქვილითაიას ტრავმა, სამწუხაროდ, მძიმეა. მისთვის სეზონი დასრულდა, იგი ასევე დააკლდება საქართველოს ნაკრებს ივნისში.გიორგი "შტურმთან" მატჩის (1:0) 24-ე წუთზე დაშავდა და ის მოედნიდან საკაცით გაიყვანეს.
ჩვენებური ავსტრიის ბუნდესლიგის ბოლო ორ ტურსა და თასის ფინალს გამოტოვებს (1-ელ ივნისს) "ზალცბურგთან".
"სამწუხარო სიახლე გვაქვს გიორგი ქვილითაიასთან დაკავშირებით. მან კუნთი დაიზიანა და ამ სეზონში ვეღარ ითამაშებს.
მისი მდგომარეობა მძიმე ჩანს, - ამბობს "რაპიდის" თავკაცი გორან ჯურიჩინი. - ქვილითაია რამდენიმე კვირას გამოტოვებს, ის ვერ იქნება დარჩენილ ტურებში და ვერც
ჯერ კიდევ გასარკვევია, იქნება თუ არა ქართველი მწყობრში იმ დროისთვის, როცა "რაპიდი" ახალი სეზონისთვის მზადებას დაიწყებს. ქვილითაია ახალი სეზონისთვის უნდა გამოჯანმრთელდეს".
საქართველოს ნაკრები 7 ივნისს შინ ამხანაგურად გაეჯიბრება სენტ კიტსის ნაკრებს, ხოლო 11 ივნისს მუნდიალის შესარჩევ მატჩში ეწვევა მოლდოვას.
