"ესბიერგის" უარი: ბუდუ ზივზივაძე და "სამტრედია" არ გამოვა!

AutoSharing Option
ცოტა ხნის წინ გამოითქვა ვარაუდი, რომ ბუდუ ზივზივაძე ყოფილ კლუბში, "სამტრედიაში" შეიძლებოდა დაბრუნებულიყო.

საქართველოს 2016 წლის საუკეთესო მოთამაშე და ბომბარდირი მიმდინარე წლის იანვარში დანიურ "ესბიერგში" ოთარ კაკაბაძესა და ლაშა პარუნაშვილთან ერთად გადავიდა, მაგრამ გუნდი სუპერლიგაში დასარჩენ პლეი ოფში დამარცხდა და მეორე დივიზიონში გადაინაცვლა.

ზივზივაძე საქართველოში დაბრუნდა და სამტრედიის "ეროსი მანჯგალაძეზე" ეროვნული ლიგის XVI ტურის მატჩს ("სამტრედია"-"კოლხეთი") დაესწრო. სამტრედიელთა ექსფორვარდს ეროვნული ლიგის YouTube-არხზე პირდაპირი ეთერისას მშობლიურ კლუბში დაბრუნებაზე ჰკითხეს.

"სამწუხაროდ, "ესბიერგი" დანიის სუპერლიგიდან გავარდა. მე 25 ივნისამდე დავისვენებ, მერე რა იქნება,
ჯერ არ ვიცი. "სამტრედიაში" დაბრუნება? გამორიცხული არაფერია", - თქვა ზივზივაძემ.

ამ პასუხმა არაერთგვაროვანი რეაქცია გამოიწვია. დავინტერესდით და შევიტყვეთ, რომ "სამტრედიის" მხრიდან ფეხბურთელის იჯარით დამატების სურვილი ნამდვილად იყო. იყო მცდელობაც, დანიელებთან მოლაპარაკებულიყვნენ, მაგრამ... "ესბიერგმა" უარი თქვა - აქაოდა, ზივზივაძეს სუპერლიგაში დაბრუნების იმედს ვუკავშირებთ და ჩვენთან უნდა იყოსო...

(იბეჭდება მცირე ცვლილებით)
ყოველდღიური სპორტული გაზეთი "ლელო"
მკითხველის კომენტარები / 11 /
ზივზივაძე კაპიკებად მიიყვანეს და საერთოდაც რომ არ ათამაშონ,დიდი ზარალი არ ექნებათ,თუ ათამაშდა ,მაშინ კი ძვირად გაჰყიდიან.ბუდუმ მე მგონი არავის არ მოუსმინა და რაც მოიგო,კარგად ხედავს თავადაც.მე რა თქმა უნდა სწორი დასკვნების გამოტანას ვუსურვებ,ბუდუს და სიტუაციის რადიკალურად გამოსწორებას,რადგან მართლა ნიჭიერი ბიჭია და ცოდვაა მისი ასე ჩაქრობა.
სოსო
12:53 08-06-2017
0
ადმინ რატომ არ იდება ჩემი წუხანდელი ბოლო პოსტი?
Guadua
12:30 06-06-2017
0

ასევე დაგაინტერესებთ
სიახლეები პოპულარული