საქართველოს ნაკრების მცველი საბა კვირკველია, სავარაუდოდ, მოსკოვის "ლოკომოტივში" დარჩება. როგორც ფეხბურთელის წარმომადგენელმა რევაზ ჩელებაძემ რუსულ მედიას უთხრა, "ლოკომოტივმა" შეძლო ყაზანის "რუბინთან" საბას ტრანსფერის ფასზე მოლაპარაკება.შეგახსენებთ, რომ 25 წლის მცველმა, რომელზეც სატრანსფერო უფლებები ყაზანის "რუბინს" ეკუთვნის, გასული სეზონის მეორე ნაწილი სწორედ "ლოკომოტივში" იჯარით გაატარა და რუსეთის თასის გამარჯვებულიც გახდა.
- "ლოკომოტივს" ძალიან უნდა კვირკველიას დატოვება და "რუბინთან" მოლაპარაკება აქტიურ ფაზაშია, - უთხრა ჩელებაძემ "სპორტ ექსპრესს". - ჯერჯერობით ის ისევ ყაზანურ კლუბს ეკუთვნის, თუმცა ჩემი ინფორმაციით, ყველაფერი კარგად დამთავრდება. "რკინიგზელები" დათანხმდნენ
- "რუბინში" ყურბან ბერდიევი დაბრუნდა. კვირკველიას არ უთქვამს, რომ ამ სპეციალისტთან სურს მუშაობა?
- საბა ერთნაირად პატივს სცემს ბერდიევსაც და სიომინსაც. ბერდიევი აღმოსავლეთ ევროპის ერთ-ერთი საუკეთესო სპეციალისტია. ამასთან, ის დიდებული ადამიანია. მაგრამ "ლოკომოტივი" ძალიანაა დაინტერესებული მოთამაშით და ამიტომ, დარწმუნებული ვარ, შეძლებენ მოლაპარაკების წარმატებით დასრულებას.
![გაგნიძემ მოსკოვის "ლოკომოტივს" ურთულესი პოზიციიდან გაუტანა [VIDEO]](/pictures/image7/f75b8452e5f15d869da866abe337447b.jpg "გაგნიძემ მოსკოვის \"ლოკომოტივს\" ურთულესი პოზიციიდან გაუტანა [VIDEO]")
