ყაზახური მედიის ცნობით, ომარ თეთრაძე "ტობოლის" მწვრთნელი აღარ არის. 47 წლის ქართველმა სპეციალისტმა თანამდებობა დატოვა.თეთრაძე აუტსაიდერ "შახტიორთან" საშინაო მარცხის (1:2) შემდეგ პრესკონფერენციაზე აღარ გამოცხადდა. კლუბის ხელმძღვანელობა უკვე ეძებს მის შემცვლელს.
თეთრაძემ "ტობოლი" შარშან, მაისში ჩაიბარა. ადრე ის "ანჟის", "ვოლგას", "ნიჟნი ნოვგოროდს", "ხიმკისა" და "ენისეის" წვრთნიდა.
შეგახსენებთ, რომ "ტობოლში" ახლახან ნიკა კვეკვესკირი გადავიდა.
