7 და 13 ივლისს ვლადიმირ ვაისის მიერ გაწვრთნილი ბრატისლავის "სლოვანი" ჩემპიონთა ლიგის პირველი საკვალიფიკაციო ეტაპის შეხვედრაში ირლანდიის ჩემპიონ "შემროკს" დაუპირისპირდება. სლოვაკური კლუბის ოფიციალურ გვერდთან საქართველოს ნაკრების ვიცე-კაპიტანმა გურამ კაშიამ ისაუბრა და რამდენიმე საინტერესო საკითხს შეეხო:"ირლანდიის ნაკრების წინააღმდეგ არაერთხელ მითამაშია. "შემროკი" ფიზიკურად ძლიერი გუნდია. ირლანდიელები ეცდებიან, ორთაბრძოლებში გაიმარჯვონ. ისინი სახიფათონი არიან სტანდარტული მდგომარეობის დროს. ამავდროულად, მიწაზე თამაშიც გამოსდით.
მჯერა ჩვენი გუნდის, მაგრამ ყველაფერი ეს მოედანზე უნდა დავამტკიცოთ. მეტოქე ქვეყნის არაერთგზის ჩემპიონია. ამიტომ 100%-ით კონცენტრირებული უნდა ვიყოთ და შეცდომები თავიდან ავიცილოთ...
კარგია, გასვლაზე გატანილი გოლის უპირატესობა რომ გაუქმდა. თუკი ანგარიში თანაბარია, თამაში უნდა გაგრძელდეს, ასე უფრო სამართლიანია...
ვფიქრობ, ცენტრალურმა მცველმა მეკარესთან ერთად თამაშის ორგანიზება უნდა მოახერხოს. ასაკთან ერთად, ამ კუთხით უკეთესი გავხდი. რასაც ბიჭებს დავუყვირებ, მათგან 99% პოზიტიურია."
შეგახსენებთ, "სლოვანის" ღირსებას საქართველოს ნაკრების კაპიტანი ჯაბა კანკავაც იცავს.
![alt](/pictures/image50/6342692dba3125e791d3e4602e78983d.png ""ასაკთან ერთად, ამ კუთხით უკეთესი გავხდი" - კაშია ირლანდიელებთან შეხვედრის წინ")
"ნამდვილად 35 წლისაა?" - "სლოვანის" ფანები კანკავათი და კაშიათი აღფრთოვანებული არიან
![alt](/pictures/image50/b1b6ce1e11163d43e92e9de916ab3dcd.jpg ""ასაკთან ერთად, ამ კუთხით უკეთესი გავხდი" - კაშია ირლანდიელებთან შეხვედრის წინ")
"სლოვანმა" ისევ გაიმარჯვა, ვაისი კაშიასა და კანკავას აქებს
!["რუსეთის დდშვც... საქართველო ევროპაში" - ჯაბა კანკავა და გიორგი ჩაკვეტაძე თბილისში განვითარებულ ბოლოდროინდელ მოვლენებს ეხმაურებიან [PHOTOS]](/pictures/image7/e693a91eba3d3b8adbb4159be8b075c1.png "\"რუსეთის დდშვც... საქართველო ევროპაში\" - ჯაბა კანკავა და გიორგი ჩაკვეტაძე თბილისში განვითარებულ ბოლოდროინდელ მოვლენებს ეხმაურებიან [PHOTOS]")
