თამაზ პერტია, რომელიც ბოლო რამდენიმე თვე უმუშევარი იყო, სამწვრთნელო კარიერას რიგის "ოლიმპსში" განაგრძობს. ცნობისთვის: ამ კლუბის დირექტორი საქართველოს ეროვნული ნაკრების ყოფილი წევრი ალექსანდრე რეხვიაშვილია.შეგახსენებთ, რომ პერტიას ბოლო კლუბი რიგისავე "დაუგავა" იყო, სადაც საკმაო წარმატებით მუშაობდა.
რაც შეეხება "ოლიმპსს", იგი ჯერჯერობით მიღწევებით ვერ დაიკვეხნის. მეტიც, კატასტროფულ მდგომარეობაშია - ლატვიის 9-გუნდიან ვირსლიგაში, რომელიც გაზაფხული-შემოდგომის სისტემით ეწყობა და უკვე 18 ტურია ჩატარებული, ორად ორი ქულა აქვს და, შესაბამისად, ერთი მატჩიც კი არ მოუგია.
ყოველდღიური სპორტული გაზეთი "ლელო"
