განვლილი უქმეები ქართველებისთვის დიდად გამორჩეული ვერ გამოდგა, თუმცა ალექსანდრე იაშვილზე შეჩერება ნამდვილად ღირს - "კარლსრუეს" ქართველმა კაპიტანმა მოედანი უგოლოდ არც ამჯერად დატოვა და თავისიანებს "აუეს" ძლევაში დაეხმარა [იხილეთ ვიდეო]. იაშვილმა ამ სეზონში 4 ოფიციალური მატჩი ითამაშა და 3 გოლი გაიტანა, რითაც მეორე ბუნდესლიგის საუკეთესო ბომბარდირთა დავაში II-IV ადგილებს იყოფს.
ლევან კობიაშვილისთვის პირველ ბუნდესლიგაში დაბრუნება უიღბლო გამოდგა. "ნიურნბერგთან" შინ წაგება "ჰერტას" ამბიციურ ქომაგებს ნამდვილად ვერ დააკმაყოფილებს. ვეტერანმა ქართველმა ამჯერადაც დაცვის მარცხენა ფლანგზე ითამაშა და ყვითელი ბარათიც მიიღო.
დაიწყო ჰოლანდიის ჩემპიონატი და
რუსული პრემიერლიგის განვლილი ტურის ყველაზე საინტერესო დაპირისპირება გროზნოში გაიმართა, სადაც მატჩი სტადიონზე შუქის ჩაქრობის გამო შეწყდა, მაგრამ პრობლემა დროულად მოგვარდა და მოსკოვის "სპარტაკმა" "ტერეკს" 4:2 აჯობა. ამაში ჯანო ანანიძეს განსაკუთრებული წვლილი არ შეუტანია, რადგან ამჯერად "სახალხო გუნდის" ძირითადში ვეღარ მოხვდა და მოედანზე მხოლოდ შეხვედრის უკანასკნელი წუთები გაატარა. თუმცაღა ბოლო ორი გოლი სტუმრებმა სწორედ ჯანოს თამაშისას გაიტანეს.
ქართველები მინდორზე ერთმანეთს ვერ შეხვდნენ - ტერეკელი ლევან გვაზავა მეკარე ჯანაევის გაძევებისთანავე შეცვალეს და მის ნაცვლად თამაშში სათადარიგო კიპერი ჩართეს.
უქმეების ერთ-ერთი გამორჩეული ჩვენიანი ნუკრი რევიშვილია, რომელიც "ტომთან" ჩინებულად გაისარჯა და "ანჟი" გოლისგან რამდენიმეჯერ იხსნა. რაოდენ უცნაურადაც უნდა მოგეჩვენოთ, "ვოლგაში" მხოლოდ ერთმა ქართველმა ითამაშა, "კრასნოდარის" შემადგენლობაში კი სადებიუტო მატჩი ჩაატარა ოთარ მარცვალაძემ.
მეორე ქართული გოლი კი უნგრეთში რატი ალექსიძემ გაიტანა [იხილეთ ვიდეო ].
ყოველდღიური სპორტული გაზეთი "ლელო"
