რუსული პრემიერლიგის გასულ ტურში ალექსანდრე ამისულაშვილმა "კრასნოდარის" შემადგენლობაში პირველი გოლი გაიტანა. "კრასნოდარმა" საკუთარ მოედანზე ყაზანის "რუბინი" 3:1 დაამარცხა, გუნდის კაპიტანმა ამისულაშვილმა კი 61-ე წუთზე ანგარიში 2:0 გახადა.საქართველოს ეროვნული ნაკრების მცველს რუსულმა პრესამ გარჯა დაუფასა და ტურის სიმბოლურ ნაკრებში ერთბაშად ორმა გამოცემამ შეიყვანა. ამისულაშვილი "სპორტ-ექსპრესისა" და "ჩემპიონატ.რუ"-ს რჩეული გახდა.
29 წლის ამისულაშვილს პრემიერლიგის მიმდინარე გათამაშებაში 19 მატჩი აქვს ჩატარებული.
ყოველდღიური სპორტული გაზეთი "ლელო"
