გასულ უქმეებზე ოთარ მარცვალაძემ "კრასნოდარში" გადასვლის შემდეგ საუკეთესო მატჩი ჩაატარა. "კრასნოდარმა" "ტომი" 4:0 გაანადგურა, ქართველ თავდამსხმელს კი, მართალია, გოლი არ გაუტანია, მაგრამ ორი საგოლე გადაცემის ავტორი გახდა და თავის გუნდს თერთმეტმეტრიანიც მოუპოვა.ტურის სიმბოლურ ნაკრებში იშვიათად ხვდება ის თავდამსხმელი, ვისაც გოლი არ გაუტანია, მაგრამ "სპორტ-ექსპრესმა" მარცვალაძე საუკეთესო თერთმეტეულში შეყვანის ღირსად მიიჩნია.
მარცვალაძე ტურის სიმბოლურში ამ სეზონში მესამედ მოხვდა, თუმცა წინა ორ წარმატებას ნიჟნი ნოვგოროდის "ვოლგაში" ასპარეზობისას მიაღწია.
ყოველდღიური სპორტული გაზეთი "ლელო"
