"ქაისერისფორმა" გუშინ, 20 სექტემბერს, "გაზიანთეფსფორთან" გასვლითი მატჩი ცუდად დაიწყო და პირველი ტაიმი 0:1 დათმო. შოთა არველაძის გუნდს სუპერლიგის მესამე შეხვედრაში მესამე მარცხი ემუქრებოდა, მაგრამ მეორე ნახევარში "ქაისერიმ" სიტუაცია სათავისოდ შეატრიალა.46-ე წუთზე პარაგვაელმა კრისტიან რივეროსმა ანგარიში გაათანაბრა, 69-ე წუთზე კი გამარჯვების გოლი ზურაბ ხიზანიშვილმა გაიტანა. ეს მისთვის პირველი თურქული გოლი იყო. ზურაბი "ქაისერის" სამივე მატჩში მონაწილეობდა, გუშინ კი ყვითელი ბარათიც მიიღო.
"ქაისერი" თურქეთის 18-გუნდიანი ჩემპიონატის სატურნირო ცხრილში დღეისთვის მე-11 ადგილზეა.
ყოველდღიური სპორტული გაზეთი "ლელო"
