ლატვიის ჩემპიონატში მორიგი გოლი გაიტანა მამუკა ღონღაძემ. "დაუგავას" 25 წლის ქართველმა ფორვარდმა ამჯერად "იურმალას" კარი დალაშქრა. "დაუგავამ" საკუთარ მოედანზე 2:1 გაიმარჯვა, ღონღაძემ კი 70-ე წუთზე გადამწყვეტი ბურთი შეაგდო.20 გოლით იგი ლატვიურ ვირსლიგაში მეორე ადგილზეა და მხოლოდ ერთი ბურთით ჩამორჩება "სკონტოს" ბრაზილიელ ნატან ჟუნიორს.
"დაუგავა" კი 62 ქულით მესამე ადგილზეა და მეორეადგილოსან ლიეპაიას "მეტალურგსს" 2, "ვენსტპილსს" კი 4 ქულით ჩამორჩება. თუმცა "ვენტსპილსს" მდევრებზე ერთი მატჩით მეტი აქვს ჩატარებული.
ყოველდღიური სპორტული გაზეთი "ლელო"
