გუშინწინ ევროპის ლიგის მატჩებზე ქართველთა გამოჩენას ამაოდ ველოდეთ - ჩვენი სამივე თანამემამულე 18-კაციან განაცხადში კი იყო, მაგრამ მოედანზე გასვლის შესაძლებლობა ერთსაც არ მიეცა.შეგახსენებთ, ლონდონში საბა კვერკველიას "რუბინი" 0:1 დამარცხდა "ტოტენჰემთან", ლადო დვალიშვილის "მაქაბიმ" შინ 5:0 გაანადგურა რუმინული "სტიაუა", ხოლო გიორგი ფოფხაძის "შტურმმა" საკუთარ მოედანზე 0:2 წააგო ბელგიურ "ანდერლეხტთან".
ქართველთა გუნდებმა ევროპის ლიგის მეთექვსმეტედფინალში გასვლის შანსი შეინარჩუნეს, თუმცა სამი ტურის შემდეგ ჯგუფიდან გამსვლელ მეორე ადგილზე მხოლოდ ჰაიფას "მაქაბია".
ყოველდღიური სპორტული გაზეთი "ლელო"
