"გაგრადან" დათხოვნილმა გიორგი გაბედავამ, შესაძლოა, კარიერა აზერბაიჯანში გააგრძელოს. ჩვენი ინფორმაციით, ქართველი თავდამსხმელი, რომელიც ბოლოხანს ძველებურად ეფექტურად ვეღარ თამაშობდა, აზერბაიჯანის პრემიერლიგის ექვსეულში მყოფ გუნდში გადასვლას ცდილობს. 22 წლის ფეხბურთელი "გაგრაში" 2008 წლის ზაფხულში გამოჩნდა, 2010 წლის იანვარში კლუბმა ის "ილიჩივეცში" გაუშვა იჯარით, საიდანაც ერთი წლის შემდეგ დაბრუნდა, მაგრამ ისეთი "ბასრი" აღარ იყო, როგორც მანამდე, ამიტომ 2011 წლის 31 დეკემბერს ფეხბურთელსა და "გაგრას" შორის კონტრაქტი ურთიერთშეთანხმების საფუძველზე შეწყდა.
ვინაიდან გაბედავა ჯერ არ შესრულებულა 23 წლის, "გაგრას" ფეხბურთელში კომპენსაციის მოთხოვნის უფლება აქვს.
ყოველდღიური
