პოლონეთის რანგით მეორე ლიგის ბინადარ "ფლოტაში" სინჯებზე მყოფმა კობა შალამბერიძემ ამ კლუბის შემადგენლობაში მორიგი საკონტროლო მატჩი ჩაატარა და წარმატებულადაც - "ფლოტამ" "რუხს" 2:0 მოუგო, 27 წლის ქართველმა ნახევარმცველმა კი თავი გოლითა და საგოლე გადაცემით გამოიჩინა.წესით, კონტრაქტის გაფორმებას წინ არაფერი უნდა დაუდგეს. ცნობისთვის, "ფლოტა" პოლონეთის პირველ ლიგაში მე-6 ადგილზეა და ექსტრაკლასაში გადასვლის შანსს ინარჩუნებს.
შეგახსენებთ, შალამბერიძემ სეზონის პირველი ნახევარი ცხინვალის "სპარტაკში" გაატარა, რომლის შემადგენლობაშიც ჩემპიონატის 17 მატჩი ჩაატარა და 3 გოლი გაიტანა.
ყოველდღიური სპორტული გაზეთი "ლელო"
