რამდენიმე დღის წინ მარტვილის "მერანი" ამხანაგურად ერევნის "ულისს" შეხვდა, რის შემდეგაც სომხურმა კლუბმა "მერანის" გამოცდილი ნახევარმცველის, გიორგი მანწკავას მიმართ დაინტერესება გამოთქვა. 30 წლის მანწკავა უკვე შეუერთდა "ულისს", სადაც ცოტა ხნით კიდევ დააკვირდებიან და დიდი ალბათობით, კონტრაქტსაც გაუფორმებენ. ყველაფერი რამდენიმე დღეში გაირკვევა.
მანწკავას "მერანთან" მოქმედი კონტრაქტი აკავშირებს და თუ სომხეთში გადავიდა, მარტვილელებს კომპენსაცია ეკუთვნით.
მანწკავა მიმდინარე სეზონს წარმატებით ატარებს. ეროვნული ჩემპიონატის პირველ ნახევარში მან 17 მატჩი ჩაატარა და 6 გოლი გაიტანა, რაც არათუ მისი ამპლუის ფეხბურთელისთვის, არამედ თავდამსხმელისთვისაც კარგი შედეგია.
"ულისი"
ყოველდღიური სპორტული გაზეთი "ლელო"
