აზერბაიჯანული პრემიერლიგა, რომლის მეორე ეტაპის დაწყებაც დიდთოვლობამ გადადო, 15 თებერვალს სამი მატჩით განახლდა. ამ სამი შეხვედრიდან ორში ქართველმა მიიღო მონაწილეობა.
"ყარაბახმა" სტუმრად "ბაქი" 3:0 გაანადგურა, რაშიც გიორგი ადამიამ სოლიდური წვლილი შეიტანა - ქართველმა შემტევმა, რომელიც სასტარტო თერთმეტეულში იყო და 84-ე წუთზე შეცვალეს, 65-ე წუთზე ბოლო გოლი გაიტანა. "ყარაბახი" 32 ქულით მე-4 ადგილზეა და ლიდერ "ნეფთჩის" 8 ქულით ჩამორჩება.
ლენქორანის "ხაზარმა" აზალ-ს უმასპინძლა და 1:0 სძლია. სტუმართა შემადგენლობაში შეუცვლელად ითამაშა ნუგზარ კვირტიამ. 12-გუნდიან პრემიერლიგაში მისი გუნდი მე-7 ადგილზეა.
16 თებერვალს ქართველებით
ყოველდღიური სპორტული გაზეთი "ლელო"
