საფრანგეთის ლიგა 2-ში "ლე მანმა" სტუმრად უშუალო კონკურენტი "მეცი" 1:0 დაამარცხა, რაშიც დიდი წვლილი გიორგი მაკარიძემ შეიტანა. ქართველმა მეკარემ საკუთარი გუნდი არაერთხელ იხსნა და მატჩის ერთ-ერთ გმირადაც იქცა.
"ლე მანი" "მეცს" ქულებით გაუთანაბრდა, მაგრამ ბურთების უკეთესი შეფარდების სხვაობით კონკურენტი ჩამოიტოვა და სახიფათო ზონაში გაისტუმრა. თუმცა 21 წლის მაკარიძესა და მის თანაგუნდელებს ლიგაში ადგილის შესანარჩუნებლად კიდევ დიდი ბრძოლა მოუწევთ.
აზერბაიჯანში თასის მეოთხედფინალის განმეორებითი შეხვედრები გაიმართა. ბაქოს "ინტერმა", რომელსაც ლენქორანის "ხაზარი" შინ 3:2 ჰყავდა დამარცხებული, სტუმრად 1:1-ს მიაღწია და ნახევარფინალში გავიდა.
აღსანიშნავია,
აზალ-მა "ბაქისთან" შინაც წააგო - 1:2 (პირველი მატჩი 1:3 დათმო). ნუგზარ კვირტია მასპინძელთა სასტარტო შემადგენლობაში იყო და პირველი ტაიმის მიწურულს გააძევეს.
"ყარაბახი" კი ნახევარფინალში სტუმრად გატანილი გოლების წყალობით გავიდა - გასვლითი 2:2-ის შემდეგ შინ 0:0 ითამაშა "გაბალასთან". გიორგი ადამია "ყარაბახის" ძირითადში იყო და 89-ე წუთზე შეცვალეს, 63-ეზე კი გააფრთხილეს.
ყოველდღიური სპორტული გაზეთი "ლელო"
