24 ტურის შემდეგ ლაშა ჯაკობიას უჟგოროდის "ჰოვერლა-ზაკარპატიე" უკრაინის პირველ ლიგას სათავეში მოექცა. კარპატელები უახლოეს მდევარს, ზაპოროჟიეს "მეტალურგს" 4 ქულით უსწრებენ, მესამეადგილოსან "სევასტოპოლს" - 11-ით და თუ სასწაული არ მოხდა, პრემიერლიგას დაუბრუნდებიან. ფორმაში შევიდა ლაშა ჯაკობიაც: საქართველოს ნაკრების ყოფილმა თავდამსხმელმა 18 ტურში 8 გოლი გაიტანა და პირველი ლიგის საუკეთესო ბომბარდირებში მეოთხე-მეხუთე ადგილზეა. თუმცა, შესაძლოა, 31 წლის ქართველმა ბომბარდირობისთვის ბრძოლა ვეღარ გააგრძელოს.
"მარტში მუხლის ტკივილი მაწუხებდა. ამის გამო ბოლო 2 თამაში გამომატოვებინეს და მითხრეს, რომ კიდევ 2 კვირა უნდა დავისვენო და ვიმკურნალო.
ყოველდღიური სპორტული გაზეთი "ლელო"
