გიორგი განუგრავა, რომელიც უნგრული "დიორ ეტოს" საკუთრებაა, ახალ გუნდს ეძებს. მიუხედავად იმისა, რომ დიორელებთან ქართველ ფეხბურთელს კონტრაქტით წელიწადნახევარი კიდევ აკავშირებს, სავარაუდოდ, მხარეები ურთიერთთანამშრომლობას აღარ გააგრძელებენ და განუგრავას უნგრული კლუბი ტრანსფერზე დააყენებს.
"დიორ ეტოს" 24 წლის ქართველი ფეხბურთელის დატოვება რომ აღარ სურდა, ცხადი მაშინ გახდა, როცა განათხოვრების წესით ორ სხვადასხვა გუნდში გაუშვა.
"ლომბარდ პაპაში" განუგრავა ფინანსური კრიზისის გამო არ დარჩა, ბოლო გუნდი "ზალაეგერსეგი" კი უმაღლესი ლიგიდან გავარდა.
განუგრავა ახლა არდადეგებზე თბილისშია და მასთან გასაუბრების საშუალება მოგვეცა. გვითხრა, რომ "ზალაეგერსეგს" მისი გამოსყიდვის
- ალბათ, უკეთესი იქნება, საქართველოში დავბრუნდე. 17 ივნისს მივფრინავ უნგრეთში და "დიორ ეტოსთან" გავარკვევ ურთიერთობას. სავარაუდოდ, ტრანსფერზე დამაყენებენ. დარჩენა არც მე მსურს.
- ქართული კლუბებიდან თუ მიიღე შემოთავაზება?
- რეალური ჯერ არაფერია. ჩავალ უნგრეთში და ვნახოთ, რა იქნება. ბოლო კლუბის მწვრთნელს ვესაუბრე და მითხრა, რომ ყველანაირ პირობას შემიქმნიან. დავილაპარაკებთ და გადაწყდება.
ამ მომენტში ნამდვილად არ მაქვს ის ვარიანტი, რაც დამაკმაყოფილებს.
ყოველდღიური სპორტული გაზეთი "ლელო"
