ევროპის ლიგის 19 ივლისს გამართულ მატჩებში რამდენიმე ქართველმა ლეგიონერმა მიიღო მონაწილეობა, რომელთა უმრავლესობასაც განსაკუთრებული წარმატებისთვის არ მიუღწევია.გამონაკლისია ირაკლი სირბილაძე, რომლის "ინტერ ტურკუმაც" უდიდესი სენსაცია მოახდინა და სტუმრად ჰოლანდიურ "ტვენტესთან" 1:1-ს მიაღწია. ფინელთა ქართველმა ფორვარდმა შეუცვლელად ითამაშა.
"ვიტესი" ბულგარეთში პლოვდივის "ლოკომოტივთან" ოთხჯერ იგებდა, მაგრამ მასპინძლებმა ანგარიში ოთხივეჯერ გაქვითეს. არნემელთა ქართველმა კაპიტანმა გურამ კაშიამ მოედანზე 90 წუთი დაჰყო, გიორგი ჭანტურია თამაშში მე-80 წუთიდან ჩაერთო, ვაკო ყაზაიშვილი კი სათადარიგო იყო.
ბუნებრივია, ეს შედეგი "ვიტესს" შემდეგ ეტაპზე გასვლის კარგ შანსს უტოვებს.
ბაქოს "ინტერი",
ლევან კორღალიძის "ზიმბრუ" შვეიცარიაში "იანგ ბოიზთან" 0:1 დამარცხდა. ქართველი ნახევარმცველი მოლდოველებს სათადარიგოთა შორის ჰყავდათ და მას თამაშის საშუალება არ მისცემია.
ყოველდღიური სპორტული გაზეთი "ლელო"
