ევროპის ლიგას ოთხი ქართველი ლეგიონერი შემორჩა, რომელთა კლუბებმაც 2 აგვისტოს განსხვავებული წარმატებით ითამაშეს. არნემის "ვიტესი" მახაჩყალის "ანჟის" ესტუმრა და 0:2 დამარცხდა. ჰოლანდიელთა შემადგენლობაში შეუცვლელად ითამაშა გურამ კაშიამ, გიორგი ჭანტურია და ვაკო ყაზაიშვილი კი სათადარიგოები იყვნენ.
კიევის "არსენალმა" კი სლოვენიურ "მურას" უმასპინძლა და 3:0 გაანადგურა. სანდრო კობახიძე მასპინძელთა სასტარტო შემადგენლობაში იყო და 77-ე წუთზე შეცვალეს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
