სეზონის მეორე ნახევრისთვის ყაზანის "რუბინთან" ერთად ემზადება საბა კვირკველია. შეგახსენებთ, ახალგაზრდა ქართველი მცველი "რუბინს" იჯარის შემდეგ დაუბრუნდა და მის ძირითად შემადგენლობაში დამკვიდრებას ცდილობს.
საკონტროლო მატჩების მიხედვით თუ ვიმსჯელებთ, საბას ამის შანსი უნდა ჰქონდეს - ამხანაგურ შეხვედრებში სისტემატურად მონაწილეობს.
კვირკველიამ რუმინულ "კლუჟთან" ტესტ-მატჩი სრულად ჩაატარა. ეს შეხვედრა ყაზანელებმა 0:1 წააგეს.
"რუბინი", რომელიც ბოლო წლებში ორჯერ გახდა რუსეთის ჩემპიონი, მიმდინარე სეზონში არცთუ სახარბიელოდ ასპარეზობს - პრემიერლიგაში მხოლოდ მეშვიდე ადგილზეა და საქმეს ისეთი პირი უჩანს, რომ საუკეთესო შემთხვევაში, მხოლოდ ევროპის ლიგის საგზურს მოიპოვებს.
ასევე იხილეთ:
ლეგიონერები: ალექსანდრე იაშვილი და სანდრო კობახიძე საგოლე პასებს არიგებენ
საბა კვირკველია: მეცინება და გული მწყდება, 20 წლის ბიჭმა მეტი რა უნდა ვქნა?
საბა კვირკველია: ბავშვობაში კახა კალაძესა და ანდრეი შევჩენკოს ვეთაყვანებოდი
