"ფოტომაკი" და "გუნებაკი" ის თურქული გამოცემებია, რომლებმაც ზურაბ ხიზანიშვილზე შემდეგი ინფორმაცია გაავრცელეს - "ქაისერის" ცენტრალური მცველი ზაფხულში კლუბს შეიცვლის. მათი მტკიცებით, 31 წლის ქართველი ლეგიონერი "ტრაბზონმა" მიიწვია და ტრანსფერის საკითხი უკვე შეთანხმებულია.
გარდა იმისა, რომ ხიზანიშვილის მიმართ ტრაბზონელებს წმინდა სპორტული ინტერესი გააჩნიათ, ადამიანური ფაქტორიც არსებობს - მათი მთავარი მწვრთნელი თოლუნაი ქაფქასი 2008 წელს, თბილისში შოთა არველაძის გაცილების მატჩში მონაწილეობდა და ზურას იქ დაუახლოვდა.
"ტრაბზონის" დამრიგებელმა
"ქაისერის" მცველს ამ ამბის კომენტარი ვთხოვეთ და მან საკმაოდ ორაზროვანი პასუხი გაგვცა:
"დიახ, კონტრაქტი მართლაც სეზონის ბოლოს მიმთავრდება, მაგრამ ჯერ "ტრაბზონთან" დაკავშირებით რეალური არაფერი ხდება. იმაზეც ნაადრევია ლაპარაკი, სეზონის შემდეგ "ქაისერიდან" წავალ თუ არა.
ჯერ არაფერი გადამიწყვეტია, მაგრამ ვფიქრობ, ყველაფერი 22 მარტს - საფრანგეთისა და ჩვენი ნაკრების შეხვედრის შემდეგ უნდა გადაწყდეს.
მერე ვიტყვი, დავრჩები თუ სხვაგან გადავალ".
წელს "ტრაბზონსფორი" ის გუნდი აღარ არის, რაც ადრე იყო. თურქულ სუპერლიგაში გუნდი მე-13 ადგილზეა, 31 ქულა აქვს და გასავარდნ ზონაში მყოფ "ორდუს" სულ ორი ქულით უსწრებს.
მოკლედ, "ტრაბზონი" ლიგაში დარჩენისთვის იბრძვის და საკმარისია ერთი წაფორხილება, რომ დიდი ტრადიციების მქონე კლუბი უფსკრულში აღმოჩნდეს.
ყოველდღიური სპორტული გაზეთი "ლელო"
ასევე იხილეთ:
ლეგიონის უქმეები: ოქრიაშვილის დუბლი, კანკავას გოლი, არველაძის სენსაცია [VIDEO]
ზურაბ ხიზანიშვილი უფრო ტიტულოვან "ტრაბზონსფორში" მიდის
